iklan

DEFEZA, HEADLINE, NASIONÁL

PR Horta apresia dezenvolvimentu Forsa Armada

PR Horta apresia dezenvolvimentu Forsa Armada

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

DILI, 04 jullu 2022 (TATOLI)–Prezidente Repúblika (PR), José Ramos Horta, segunda ne’e, hala’o vizita ba Kuartel Jenerál FALINTIL-Forsa Defeza Timor-Leste (F-FDTL), iha Fatuhada.

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

“Ha’u orgullu mai vizita Ministériu Defeza no Estadu-Maiór Forsa Armada. Ha’u rona rezultadu avaliasaun no informasaun, desde tinan 2000 to’o ohin implementasaun estudu dahuluk halo iha tempu UNTAET to’o mai estudu tinan 2020, hafoin estudu foun fali Estadu Maiór mak halo kona-ba dezafiu foun, doutrina forsa, dezenvolvimentu forsa, formasaun militár, haree mós komponente sivil ne’ebé servisu iha forsa laran. Ha’u kontente haree evolusaun pozitivu, progresu neneik tinan-20 nian, signifika tenke nune’e duni, lori tinan-20 atu dezenvolve no seidauk kompletu, tenke aselera tinan-lima mai ne’e,” Horta hateten hafoin vizita Kuartel Jenerál.

Notísia relevante: KM aprova planu rekrutamentu ba membru F-FDTL na’in 600

Prezidente Repúblika, José Ramos-Horta, hanesan Komandante Supremu Forsa Armada, banhira halo vizita ofisiál bá Kuartel Jenerál F-FDTL, iha Fatuhada, segunda (04/07). Imajen Tatoli/Antonio Daciparu

Iha vizita ne’e, Komandante Supremu Forsa Armada ne’e uza uniforme F-FDTL nian, simu hosi Xefe Estadu Maiór Jenerál F-FDTL, Tenente Jenerál, Falur Rate Laek, Ofisiál Superiór F-FDTL no Ministru Defeza (MD), Filomeno de Jesus da Paixão, nune’e kontinua ho formatura hosi membru militár sira.

Hafoin ida-ne’e, Xefe Estadu halo vizita ba devizaun hotu no kontinua vizita espozisaun militár ne’ebé lokaliza iha arredór Kuartel Jenerál no iha espozisaun ne’e alta entidade Forsa Armada aprezenta fasilidade no ekipamentu militár ba Xefe Estadu.

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

Hafoin ida-ne’e, José Ramos Horta rona aprezentasaun ida hosi Xefe Estadu Maiór F-FDTL, Donaciano da Costa Gomes ‘Pedro Klamar Fuik’, kona-ba dezenvolvimentu militár.

Iha misaun forsa, define hosi Konstituisaun, defeza, indepedénsia, integridade, soberania maibé iha kontestu pás, buat barak forsa mós halo.

“Ezemplu apoia Polísia Nasionál Timor-Leste (PNTL) kuandu presiza, liuliu iha fronteira, dala-ruma iha situasaun dezastre naturál. Ho misaun oin-oin sira ne’e, ita bele fó meiu liután ba forsa no dezenvolve, ezemplu dezenvolve unidade enjeñaria no médiku di’ak liután atu forsa mós sempre marka prezensa iha aldeia sira hodi ajuda realibilita eskola, klínika, estrada-oan ruma monu, ne’e hanoin importante ba forsa,” nia akresenta.

Menus ekipamentu

Xefe Estadu konsidera ekipamentu militár seidauk sufisiente, tanba ne’e sei nafatin sai prioridade.

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

“Hafoin vizita, ha’u haree ekipamentu Forsa Armada nian la sufisiente tanba la’ós de’it kilat, la’ós de’it preparasaun militár operasionál, iha buat barak tan mak ita presiza liu, maibé haree fali ba Estadu sei frajil, área ne’ebé forsa presiza liután maka sistema manutensaun, lojístiku, seguransa máritima seidauk dezenvolve. Maibé buat barak la’o daudaun no tenke hadi’a liután, buat ne’ebé ha’u haree no nesesidade nafatin maibé realidade tinan-20 nia laran iha progresu di’ak tebes,” Prezidenti Repúblika tenik.

Biban ne’e, nia kontinua enkoraja Forsa Armada atu kontinua servisu ho di’ak, tane dame no nafatin apoia povu iha ámbitu dezastre naturál.

Nune’e mós, Xefe Estadu Maiór Jenerál F-FDTL, Tenente Jenerál Falur Rate Laek, konsidera vizita Xefe Estadu nian bele motiva liután membru sira hodi kontinua dezenvolve F-FDTL.

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

“Ho vizita ofisiál ida-ne’e, ami hotu hanai ita-boot nu’udar Komandante ein Xefe, ami sente previleiju no onra, tanba ho vizita ne’e ami sente korajen no vontade hodi kontribui hodi forsa ida-ne’e bele dezenvolve di’ak liután,” nia orgullu.

Aleinde ne’e, Xefe Estadu Maiór apresia liután katak iha istória Timor-Leste nian foin dahuluk Prezidente Repúblika uza uniforme F-FDTL nian.

“Ne’e previleju ida no pasu importante ida, asaun ne’ebé ita halo kiik maibé ninia signifikadu boot, no hakerek iha istória,” nia salienta.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!