DEFEZA, HEADLINE, NASIONÁL

PR Horta enkoraja PNTL no F-FDTL kompleta malu kontrola fronteira

PR Horta enkoraja PNTL no F-FDTL kompleta malu kontrola fronteira

Prezidente Repúblika, José Ramos Horta. Imajen Tatoli/António Daciparu

DILI, 04 jullu 2022 (TATOLI)–Prezidente Repúblika (PR), José Ramos Horta, enkoraja Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) kompleta malu hodi asegura seguransa iha fronteira sira, liuliu fronteira terrestre entre Timor-Leste no Indonézia.

“Ita-nia defeza marka prezensa iha ne’ebé de’it ein termu permanesia konforme doutrina no estratejia ne’ebé Governu define. Tinan 20 liubá ita-nia baze mak iha de’it Baucau, hafoin mai Metinaro, agora iha territóriu tomak tuir definisaun ne’ebé Estadu halo tenki marka prezesa forsa no forsa rua (PNTL no F-FDTL) kolabora kompleta malu,” Horta hateten hafoin vizita Kuartel Jenerál F-FDTL, Fatuhada, segunda ne’e.

Notísia relevante: PM hakarak koloka Forsa Armada iha fronteira terrestre

Xefe Estadu dehan, to’o agora polítika Governu no Estadu maka haree ba liña oin iha fronteira, jestaun fronteira Polísia ne’ebé halo servisu ho imigrasaun, maibé Forsa Armada mós apoiu kuandu presiza, hanesan sinál soberania no sinál defeza.

Antes ne’e, Primeiru-Ministru (PM), Taur Matan Ruak, deklara hakarak koloka membru F-FDTL iha fronteira terrestre hodi tau-matan ba pasajen ilegál.

Daudaun ne’e, membru F-FDTL destaka iha postu froteira terrestre sira kompostu hosi postu Mota Masin (Covalima) Altu Lebos, Kova, Tunu Bibi, no Polísia Militár iha fronteira Batugade (Bobonaro), enkuantu fronteira marítima daudaun koloka mós membru militár iha Ataúro no Rejiaun Administrativa Espesiál Oé-cusse Ambeno (RAEOA).

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!