Top

PR Horta konsidera vizita bá Indonézia di’ak ba Timor-Leste

Prezidente Repúblika, José Ramos Horta. Imajen Tatoli/António Daciparu

DILI, 04 jullu 2022 (TATOLI)–Prezidente Repúblika (PR), José Ramos Horta, foin lalais haruka ona pedidu autorizasaun vizita Indonézia ba Parlamentu Nasionál (PN).

Tuir Konstituisaun Repúblika Demokrátika Timor-Leste (KRDTL) iha artigu 95 (kompeténsia Parlamentu Nasionál) iha númeru 3 alinea h, hateten katak PN mak fó autorizasaun ba Prezidente Repúblika atu hala’o vizita Estadu.

“Regra normál katak Prezidente Repúblika atu halo viajen sai hosi territóriu nasionál tenke husu autorizasaun hosi Parlamentu, ne’ebé ha’u hein de’it, ha’u laiha preokupasaun ho ida-ne’e. Preokupasaun loos agora prepara didi’ak viajen ne’e tanba ho viajen ne’e di’ak loos ba ita-nia nasaun rua (Timor-Leste no Indonézia),” Horta hateten iha Kuartel Jenerál FALINTIL-Forsa Defeza Timor-Leste (F-FDTL), Fatuhada, segunda ne’e.

Notísia relevante: PR Horta hato’o karta pedidu autorizasaun ba PN atu vizita Indonézia

Pedidu Xefe Estadu ne’e, ho objetivu atu trata asuntu Estadu kona-ba dezlokasaun tanba hetan konvite hosi ninia ómologu Prezidente Repúblika Indonézia, Joko Widodo, tanba Horta foin eleitu sai Prezidente Repúblika foun, nune’e hakarak ba vizita hodi atende konvite ne’e.

Tuir karta ne’ebé iha husu atu hala’o viajen bá Indonézia iha loron 18 to’o 24 jullu tinan ne’e.

 Jornalista   : Antónia Gusmão

Editora        : Julia Chatarina

Publisidade

Leave a Reply

Latest Post

error: Content is protected !!