HEADLINE, INKLUZAUN SOSIÁL, NASIONÁL

Protesaun Sivil Viqueque sei kompleta pakote emerjénsia hafoin distribui ba vítima

Protesaun Sivil Viqueque sei kompleta pakote emerjénsia hafoin distribui ba vítima

Kondisaun hafoin inundasaun iha Viqueque. Imajen/Espesiál

DILI, 04 jullu 2022 (TATOLI)—Koordenadór Protesaun Sivil munisípiu Viqueque, Cerilo Soares Gomes, informa, daudaun Protesaun Sivil seidauk distribui pakote emerjénsia ba vítima dezastre naturál tanba seidauk kompleta pakote.

“Ita hein de’it, pakote emerjénsia ha’u foin tula foos saku 140, ne’ebé pakote kompletu hotu mak ita distribui ba ita-nia vítima sira,” Koordenadór Protesaun Sivil hateten ba Agência Tatoli, via telefónika, kuarta ne’e.

Pakote emerjénsia hosi munisípiu Viqueque maka hanesan foos no hahan ein pakotementu, nune’e Protesaun Sivil Viqueque hein parte nasionál halo kompleta pakote maka foin distribui.

“Pakote ne’ebé seidauk iha maka hanesan mina, supermie no seluk tan. Nune’e mós ekipa sira kontinua halo verifikasaun ba dadus provizóriu vítima dezastre naturál sira hosi suku Uma-uain Leten no suku Maluro hamutuk afetadu 320,” nia akresenta.

Notísia relevante: Protesaun Sivil Viqueque apela ba komunidade sira hadook-an hosi fatin risku

Aleinde ne’e, ekipa halo ona verifikasaun ba vítima sira hosi suku Uma-uain Leten no Maluro, ho totál hamutuk 146 mak verifika ona.

“Postu Uatulari no Uatucarbau maka seidauk halo verifikasaun tanba ami hetan difikuldade ba transporte. Nune’e, ami halo verifikasaun iha postu Viqueque vila hotu maka ba fali postu rua,” nia tenik.

Postu Viqueque vila hosi suku Uma-uain Leten no Maluro halo hotu verifikasaun no distribui hotu pakote emerjénsia, hafoin ba postu Uatucarbau no Uatulari.

Jornalista   : Vitorino Lopes da Costa

Editora       : Julia Chatarina

iklan
iklan

Leave a Reply

iklan
error: Content is protected !!