DILI, 05 jullu 2022 (TATOLI)—Diretór Dirasaun Nasionál Promosaun Direitu ba Ema ho Defisiénsia (DNPDED), Mateus da Silva, hateten to’o tinan ne’e DNPDED rejistu Ema ho Defisiénsia (EhD) iha Timor-Leste besik rihun 10 mak sei asesu subsídiu hosi Governu.
“Tuir dadus ne’ebé ita rejistu no iha ema ho defisiénsia iha ita-nia rain ne’e besik rihun 10 mak asesu subsídiu hosi ita-nia Governu. Tanba tinan kotuk ita iha 9.000 entaun tinan ne’e sae besik rihun 10 ona. Maibé ida-ne’e la inklu ho EhD menoridade,” Mateus da Silva hateten ba Agência TATOLI, iha nia knar fatin Caicoli, tersa ne’e.
Hosi totál númeru iha leten ne’e, ema ho defisiénsia barak liu ne’e maihosi munisípiu Dili, Baucau no Ermera.
Kritéria ne’e, nia haktuir, ba ema ho defisiensia ho idade 18 ba leten mak simu subsídiu ida-ne’e, tanba bazea ba artigu 6 mak kondisaun atribuisaun subsídiu apoiu ba invalidéz:
Reconhecimento do direito ao subsídio de apoio aos invá – lidos depende de o requerente satisfazer, cumulativamente, as seguintes condições:
a) Ser cidadão timorense;
b) Residir em território nacional, há pelo menos um ano à data da apresentação do requerimento da pensão;
c) Ter idade igual ou superior a 18 anos;
d) Ser portador de condição mental ou física, de qualquer proveniência, que determine incapacidade absoluta e definitiva para exercer uma actividade laboral.
“Tanba ne’e, to’o agora ita-nia subsídiu refere ne’e ba ema ho defisiensia ho idade 18 ba leten no mai kraik labele simu. Maibé, ho ida-ne’e mós seidauk sufisiente ba ita-nia maluk defisiénsia tanba ita sura loron ida han $1,00,” nia dehan.
Jornalista : Osória Marques
Editór : Cancio Ximenes