iklan

NASIONÁL, EKONOMIA

OJE 2022: AMD ezekuta ona 45.2% iha trimestre daruak

OJE 2022: AMD ezekuta ona 45.2% iha trimestre daruak

Osan Dólar Amérika. Imajen/Espesiál

DILI, 05 jullu 2022 (TATOLI)—Diretora Finansa Autoridade Munisípiu Dili (AMD), Ana Fernanda G. Junior, informa iha trimestre daruak (marsu-juñu) tinan ne’e AMD ezekuta ona verba Orsamentu Jerál Estadu (OJE) 2022 atinje ona 45.2%.

Notísia Relevante: OJE 2022: AMD ezekuta ona 25,54% iha trimestre dahuluk

“Iha trimestra daruak ne’e, Autoridade Munisípiu Dili ezekuta ona 45.2% iha Orsamentu Jerál Estadu (OJE) 2022 ne’ebé ekivalente ho osan hamutuk $10,254,754.44,” Ana Fernanda G. Junior informa ba Agência Tatoli, iha nia knar fatin, Dili, tersa ne’e.

Hosi montante orsamentu $10,254,754.44 ne’e ezekuta ba kategória neen (6), ne’ebé kompostu hosi saláriu no vensimentu ho nia ezekusaun 45.0% ho nia saldo $2,621,567.00, bens servisu 29.5% ho nia saldo $4,677,941.00.

Nune’e mós kapitál menór ho nia saldo $39,200.00 ida-ne’e seidauk ezekuta, tanba AMD foin halo tranferénsia tanba ne’e nia ezekusaun seidauk la’o, kapitál dezenvolvimentu 26.0% ho nia saldo$521,966.00, tranferénsia públiku 80.8% ho nia saldo $2,370,966.00 no despeza kontijénsia 100.0, ho nia saldo $23,114.44.

“Hosi kategória neen (6) ne’e, nia ezekusaun orsamentu totál hamutuk 45.2%,” nia esplika.

Maske nune’e, hosi ezekusaun 45.2% ne’e AMD hasoru difikuldade tanba ligadu ho mudansa estrutura balun iha dirasaun aprovizionamentu, ida-ne’e mak halo ezekusaun la sa’e 50% tanba prosesu balun sei pendente hela.

“Maibé, ba oin ita bele garante iha trimestre datoluk ezekusaun bele sa’e to’o 75%,” nia dehan.

Entretantu, iha portál tranferensia Orsamentu Jerál Estadu (OJE) 2022 ba Autoridade Munisípiu Dili (AMD) nia orsamentu hamutuk $10,254,754.44 ne’ebé ezekuta ona iha timestre dahuluk no daruak hamutuk 45.2%.

Jornalista : Nelia Fernandes

Editór       : Cancio Ximenes

iklan
iklan

Leave a Reply

iklan
error: Content is protected !!