MUNISÍPIU, NASIONÁL, POLÍTIKA

2023: munisípiu sira sei transforma hosi administrasaun direta ba indireta

2023: munisípiu sira sei transforma hosi administrasaun direta ba indireta

Diretór Jerál Ministériu Administrsaun Estatál (MAE), Belarmino Filomeno Neves. Imajen Tatoli/Francisco Sony.

DILI, 06 jullu 2022 (TATOLI)–Diretór Jerál Ministériu Administrasaun Estatál (MAE), Belarmino Filomena Neves, hateten iha tinan 2023 ne’e munisípiu hotu-hotu sei transforma hosi administrasaun direta ba indireta, katak tenke hahú halo desentralizasaun.

Notísia Relevante: Governu aprova kriasaun Lei Finansa Munisipál

Signifika munisípiu hotu-hotu adota ona adminitrasaun indireta do Estadu, signifika sira iha ona autónomu patrimoniál no finansia, atu sira bele organiza no regula mesak no superviziona hosi Governu sentrál.

“Tuir ami-nia polítika katak tinan oin ita tenke tama ona ba nova esfera (lingkungan foun) hosi deskonsentrada ba desentralizada ho nia natureza desentralizasaun administrativa territorial. Katak, ita-nia polítika hodi transfoma munisípiu hotu-hotu atu sai adminitrasaun indireta do Estadu,” nia dehan ba Ajénsia TATOLI, iha nia knar fatin Colmera, Dili, kuarta ne’e.

Antes ne’e, iha kuarta liubá (22/06), Governu liuhosi reuniaun Konsellu Ministru (KM), aprova projetu-lei ne’ebé aprezenta hosi Ministru Administrasaun Estatál (MAE), Miguel Pereira de Carvalho, ba kriasaun Lei Finansa Munisipál nian.

“Lei ida-ne’e estabelese rejime enkuadramentu orsamentál, finanseiru no kontabilidade públika ba munisipiu sira,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha Palásiu Governu.

Aprovasaun ne’e hodi konsidera autónomia finanseira munisípiu ne’ebé estabelese hosi lei númeru 23/2021, 11 novembru, Lei Podér Lokál no Desentralizasaun Administrativa hodi regula orsamentu munisipál sira.

Antes ne’e, iha loron 21 setembru 2021, Parlamentu Nasionál aprova projetu-lei Eleitoral Munisipál, Poder Lokál no Desentralizasaun Administrativa.

Projetu-lei Podér Lokál no Desentralizasaun Administrativa ne’e konstitui ho pesoa koletiva iha territóriu nasionál ba órgaun reprezentativu sira-ne’ebé define organizasaun, kompeténsia, funsionamentu no kompozisaun define iha lei.

Lejizlasaun ne’e atu hakbesik servisu públiku sira hosi Estadu ba kraik ka atribui kompeténsia tomak ba munisípiu sira halo planu, programa no orsamentu rasik.

Projetu-lei Desentralizasaun Administrativa ne’e previstu atu Governu Sentrál halo transfer’ensia kompeténsia ka fó podér ba munisípiu sira no atribui kompeténsia balun ne’ebé durante ne’e seidauk fó ba Governu munisipál.

Notísia Relevante: Lei poder lokál no desentralizasaun administrativa hanesan lei ne’ebé importante

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!