COVALIMA, POLÍTIKA

PNDS Covalima sensibiliza UKL+ ba membru konsellu suku Debos

PNDS Covalima sensibiliza UKL+ ba membru konsellu suku Debos

PNDS Covalima sensibiliza UKL+ ba konsellu suku iha suku Debos. Imajen Tatoli/Celestina Teles.

COVALIMA, 06 jullu 2022 (TATOLI)—Programa Nasionál Dezenvolvimentu Suku (PNDS) Covalima halo sensibilizasaun Uma ba Kbiit Laek plus (UKL+) ho kategoria tipu B ba membru konsellu suku iha suku Debos, postu administrativu Suai, munisípiu Covalima.

Notísia Relevante: MAE sei distribui materiál konstrusaun UKL+ ba benefisiáriu iha agostu

“Ohin ekipa PNDS Munisípiu Covalima konsentra iha suku Debos hodi realiza sensibilizasaun hanesan kontinuasaun atividade ba implementasaun UKL+ tipu B ne’ebé horisehik realiza sensibilizasaun iha nivél postu administrativu. Ohin, kontinuasaun sensibilzasaun informasaun ba UKL+ tipu B iha suku Debos, postu administrativu Suai,” Diretór PNDS munisípiu Covalima, Filipe Cardoso, informa ba Agência Tatoli, iha salaun sede suku Debos, kuarta ne’e.

Implementasaun UKL+ define ba kategoria UKL+ A no UKL+ B bazea ba desizaun iha munisípiu Covalima, postu Suai mak sai hanesan alvu implementasaun UKL+ tipu B ne’ebé ho nia kategória difirensa ho UKL+ kategoria tipu A no mós UKL regulár.

Razaun implementasuan UKL+ diferensa tanba halo distribuisaun Materiál konstrusaun liu-liu kalen hodi troka fali benefisiáriu elijivél ne’ebé ho kondisaun uma kalen fruzen ona sei troka.

“Suku Debos sei hetan uma 37 no hosi númeru ne’e ita kontinua halo identifikasaun benefisiariu aldeia sia (9) ne’ebé mak sai elijivél ba UKL+ B,” nia hateten.

Iha Covalima em jerál hetan benefisiariu direta no indireta hosi programa Nasionál dezenvolvimentu suku ligadu ho implementasaun UKL+ B ne’ebé implementa iha postu Suai, liu-liu iha suku Debos sei aumenta liután benefisiariu boot ba komunkidade.

Tanba PNTL implementa programa lubuk ida mak hanesan programa PNDS regulár iha suku Debos prioridade perfurasaun bee-moos no mós implementasaun UKL regulár aumenta implementasaun UKL+ B.

Tinan fiskal 2022 iha munisípiu Covalima implementasaun UKL+ ne’e implementa iha postu administrativu sira-ne’ebé karegória área remota no bazea ba desizaun hosi enkontru konselu konsultivu munisípál postu alvu ne’ebé sei implementa UKL+ A mak postu administrativu Maucatar.

Tuir dadus, PNDS halo sensibilozasuan iha munisípiu Cvalima kobre de’it postu administrativu sira hanesan postu administrativu Maucatar sai hanesan alvu ba implementasaun UKL+ ho kategória A no postu Suai implementa UKL+ kategória B.

Xefe suku Debos, Agustinho Silva, hateten PNDS munisípiu realiza sensibilizasuan kona-ba implementasaun UKL+ ho kategória B ba membru konsellu suku iha suku Debos, postu administrativu Suai, munisípiu Covalima.

“Ohin, PNDS munisípiu Covalima halo sensibilizasaun implementa programa UKL+ B ba membru konsellu suku sira iha suku Debos implementasuan UKL+ ho kategória B ho benefisiáriu sira hamutuk 37,” nia dehan.

Hu nune’e, xefe suku sei orienta xefe aldeia sia (9) sai benefisiáriu hotu ba UKL+ B nune’e labele hamosu diskriminasaun implementasaun UKL+ B iha suku Debos, postu Suai, munisípiu Covalima.

Suku debos iha aldeia sia (9) mak hanesan aldeia Ahinarai, Asumaten
Asurai Busacucun, Laconac Babu, Laconac Besic , Lo’oque, Lontale no Tabacolot.

Notísia Relevante: Governu sei identifika uma-kain 6.000 sai benefisiáriu UKL+

Jornalista : Celestina Teles

Editór       : Cancio Ximenes.

iklan
iklan

Leave a Reply

iklan
error: Content is protected !!