Top

MAE halo abertura konkursu públiku selesaun pur méritu ba kargu Administradór

Vice-Ministru Administração Estatal, Lino de Jesus Torrezão. Imajen Tatoli/Egas Cristóvão

DILI, 07 jullu 2022 (TATOLI)—Vise Ministru Administrasaun Estatál, Lino de Jesus Torrezão, hateten abertura loron ohin (kuarta, 07 jullu) ne’e atu halo abertura avaliasaun ba Konkursu Publiku Selesaun Pur Meritu Ba Kargu Administradór iha postu administrativu sia (9).

“Ohin, ha’u mai halo abertura ba avaliasaun dokumentu hirak ne’e konforme dekretu-lei haruka. Ha’u husu nafatin ba ita-boot sira hodi kontinua nafatin ho prosesu selesaun dokumentu sira-ne’e ho didi’ak hodi bele fó sai lalais no ita bele publika ona. Bainhira dokumentus hirak ne’e kompletu ona maka ita foin bele avansa ho prova eskrita, depois prova eskrita hotu ita hanoin fila fali sé-sé mak avansa ba intervista no sé-sé mak hela ida-ne’e mak ita atu haree,” Vise Ministru Administrasaun Estatál ne’e hateten liuhosi komunikadu imprensa ne’ebé Ag^encia Tatoli asesu, kinta ne’e.   

Agora, nia dehan, tama iha fulan-julhu ona entaun kalendáriu ne’e mós atraza uitoan no atividades mínistériu nian barak la halimar liu-liu ba Diretór Gerál ho Diretór sira atu tun bei – beik ba iha munisípiu sira, atu nune’e fó asisténsia ba forsa traballu sira-ne’ebé mak iha munisípiu ida-idak.

“Tanba ne’e ha’u husu ba ekipa juri sira atu prosesu ba selesaun pur méritu ne’e. Se bele aselera lalais prosesu ne’e, nune’e bele konklui ona iha fulan agostu tinan ne’e,” nia hateten.

Avaliasaun ba Konkursu Publiku Selesaun Pur Meritu Ba Kargu Administradór ne’e hala’o ba postu administrativu Aileu Vila, postu administrativu Alas, postu administrativu Hatulia B, postu administrativu Hatu-Udu, postu administrativu Laclubar, postu administrativu Lacluta, postu administrativu Lautém, postu administrativu Lore no postu administrativu Luro.

Ida-ne’e hala’o bazea ba Dekretu-Lei númeru 54/2020, 28 outubru, hanesan segundu alterasaun ba Dekretu-Lei númeru 3/2016, 16 marsu, Estatutu Administrasaun Munisipál, Autoridade Munisípál no Grupu Tékniku Interministerial ba Desentralizasaun Administrativa.

Orientasaun númeru 2/2010 ho 8/2016 kona-ba selesaun pur meritu, Dekretu-Lei númeru  34/2008, 27 agastu, republikadu ba Dekretu-Lei númeru 22/2011, 29 juñu, rejime kargu dirasaun no xefia iha administrasaun públika, nune’e halo publikasaun avizu konkursu públiku selesaun pur méritu ba kargu administradór postu administrative.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!