iklan

DILI, POLÍTIKA

Trimestre daruak: MSSI ezekuta OJE 2022 atinje ona 24,1%

Trimestre daruak: MSSI ezekuta OJE 2022 atinje ona 24,1%

Osan dolar Amérika. Imajen/Espesiál

DILI, 08 jullu de 2022 (TATOLI)–Diretór Nasionál Orsamentu Jestaun no Patrimoniál iha Minsitériu Solidariedade Sosiál no Inkluzaun (MSSI), Jimmy Valente dos Reis, hateten iha trimestre daruak ne’e MSSI ezekuta OJE 2022 atinje ona 21,3% ho ekivalensia millaun $5,4.

Notísia Relevante: OJE 2022: PN aprova millaun $22,7 ba MSSI

Ezekusaun hirak-ne’e ba kategória saláriu no venstimentu atinje 46% ho osan rihun $890, bens servisu 40% ho osan miliaun $1,2 no kategória transferénsia públika 8.5% ho nia osan miliaun $12,3.

“Iha momentu ida-ne’e, ami sei guarda hela ezekusaun orsamentu ba kapitál menór, tanba Ministériu seidauk simu sistema rejistu ba fatura (Its-sigla inglés) ka fatura ba empreza konstrusaun infraestrutura nian,” nia dehan ba Agência Tatoli, iha nia knar fatin Caicoli, Dili, sesta ne’e.

Nia hatutan, MSSI prevee miliaun $1,4 ba kategória hosi obrigasaun ho 82,5%.

Governu sei iha millaun $12 hosi alokasaun OJE 2022 nian millaun $22.

Antes ne’e, Parlamentu Nasionál liuhosi diskusaun espesialidade ba porposta-lei Orsamentu Estadu Jerál (OJE) 2022, aprova proposta Orsamentu Jerál Estadu 2022   ba Ministéiru Solidariedade Sosiál no Inkluzaun (MSSI) ho montante $22,727,705.

Orsamentu ba MSSI ho montante $22,727,705 sei aloka ba saláriu vensimentu $1,922,900, bens servisu $4,383,785, kapitál menór $218,280, kapitál dezenvolvimentu $1,713,600 no transferénsia públika $14,489,140.

Hosi orsamentu ne’e sei finansia programa rua (2), sub-programa 18 no atividade 47. Programa boa-governasaun no jestaun instituisionál sei gasta $6,194,117 no programa igualidade jéneru no inkluzaun sosiál sei gasta $16,533,588.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!