DILI, 08 jullu 2022 (TATOLI)—Prezidente Repúblika (PR), José Ramos Horta, hateten iha nia vizita atu ba Indonézia hodi hasoru malu ho nia omólogu Prezidente Repúblika Indonézia, Jpkp Widodo, oinsa atu haforsa no hametin liután kooperasaun entre nasaun rua.
Notísia Relevante: PR Horta otimista Timor-Leste sei adere ba ASEAN
“Indonézia kontente ho ha’u-nia vizita liu-liu buka aumenta kooperasaun ho Indonézia mezmu tinan barak nia laran relasaun di’ak no kooperasaun oioin,” PR Horta hateten ba jornalista sira iha edifísiu TVE, Comoro, sesta ne’e.
Aru hametin kooperasaun ne’ehakarak haree oinsá Governu bele apoiu Governu Indonézia ho apoiu tékniku ba hamutuk ho Nusa Tengara Timur (NTT) atu haree liu-liu kona-ba meiu ambiente liu-liu kuda ai, halo barajen hodi kapta udan been, tanba moris iha illa ida de’it iha fronteira hodi haree mudansa klimátika hodi haree ba prevensaun.
Horta durante vizita enkontru ho Prezidente Indonézia, Joko Widodo, sei hasoru malu mós ho Ministru Indonézia nian, partisipa konferénsia iha universidade tolu ka haat, entervista ho mídia Indonézia. Maibé iha vizita ida-ne’e PR Horta sei enkontru mós ho Governadór NTT ko’alia kona-ba turizmu entre rai rua.
Aliénde sei ko’alia relasaun entre nasaun rua ba kooperasaun sira la’o ona, oinsá di’ak liután, tanba buat balun mak preparadu hosi Governu hodi selebra akordu kona-ba komérsiu liu-liu relasaun komérsiu fronteira, agrikultura no seluk tán.
Iha vizita PR Horta sei akompaña nia delegasaun hosi membru VIII Governu Konstituisionál balun ho mós Deputadu sira iha Parlamentu Nasionál.
Jornalista : Nelson de Sousa
Editór : Cancio Ximenes
