COVALIMA, HEADLINE, INKLUZAUN SOSIÁL, MUNISÍPIU, POLÍTIKA

Prezidente Partidu FRETILIN apoia nesesidade bázika ba vítima inundasaun iha Covalima

Prezidente Partidu  FRETILIN apoia nesesidade bázika ba vítima inundasaun iha Covalima

COVALIMA  10  jullu  2022 (TATOLI)-Prezisente Partidu Frente Revolusionária Timor-Leste Independente (FRETILIN), Francisco Guterres ‘Lú OLo’ ho nia ekipa apoia nesesidade bázika ba vítima inundasaun, iha munisípiu Covalima.

“Ita-boot sira simu mak ne’e maske la rezolve problema, maibé hakmaan situasaun ne’ebè mak ita-nia komunidade sira hetan susar. Ami agradese tebes entrega iha ita-boot sira-nia liman,” Eis Prezidente Repúblika ne’e ko’alia iha armazein Kampung Baru, Covalima, domingu ne’e.

Apoia  nesesidade bázika ne’ebé mak Prezidente Partidu FRETILIN  hamutuk nia ekipa apoia ne’e mak hanesan, foos saka 100, supermie kaixa 50, mina goreng kaixa  10  no sardina kaixa rua.

Apoia emerjénsia  ba vítima inundasaun ne’e iha Covalima ne’e, Prezidente partidu FRETILIN hamutuk ho Diretór Servisu munisipal jestaun risku dezastre naturál.

Diretór Servisu Munisipál Jestaun Risku Dezastre Naturál, Quintino Gusmão, hateten, Prezidente Partidu FREILIN ho ekipa apoia nesesidade bázika ba vítima inundasaun sira.

“Ohin Prezidente partidu hamutuk nia ekipa mai entrega apoiu emerjénsia ita-nia maluk vítima inundasaun  sira,” nia katak.

Partidu FRETILIN apoia vítima sira, relasiona, udan-boot ne’ebé akontese iha loron (30/6)  no  (2/7) ne’ebé rezulta família 300-resin mak afetadu ba inundasaun.

Hafoin simu apoia ne’e, Diretór  Servisu Munisipál  Jestaun Risku Dezastre Naturál sei distribui ba vítima dezastre naturál sira iha Covalima.

“Ho nune’e ita sei entrega ba vítima 300-resin ne’ebè mak afeitadu ba inundasaun hanesan iha suku Suai-loro, Labarai, Belekasak no suku Lalawa tanba ita-nia estoke ai-han sufisiente hela iha arjamazein atu responde ba situasaun,” nia akresenta.

Tuir dadus vítima inundasaun hamutuk família 376  ho membru família  hamutuk na’in- 1,130 mai hosi postu administrativu  Tilomar , Suai no Maucatar .

Jornalista: Celestina Teles

Editór:  Evaristo Soares Martins

iklan
iklan

Leave a Reply

iklan
error: Content is protected !!