HEADLINE, NASIONÁL, POLÍTIKA

Governu halo esforsu repatria sidadaun na’in-hitu iha Jakarta

Governu halo esforsu repatria sidadaun na’in-hitu iha Jakarta

Ministra Negósiu Estranjeiru no Kooperasaun (MNEK), Adalgiza Albertina Xavier Magno. Imajen Tatoli/Francisco Sony

DILI, 11 jullu 2022 (TATOLI)–Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten, Governu halo hela esforsu hodi repatria sidadaun na’in-hitu ne’ebé antes ne’e serbisu iha Dubai, maibé daudaun to’o ona Jakarta, Indonézia.

“Agora Governu buka hela osan tanba Governu laiha verba atu selu, ne’ebé agora ami buka hela, karik Ministériu Solidariedade Sosiál no Inkluzaun iha osan karik entaun haruka sira fila,” Ministru hateten ba jornalista sira, hafoin relata serbisu ba Primeiru-Ministru, Taur Matan Ruak, iha Palásiu Governu, segunda ne’e.

Notísia relevante: Governu esforsu rezolve situasaun timor-oan hitu iha Dubai

Tanba ne’e, governante ne’e dehan, timor-oan na’in-hitu ne’e sei iha Jakarta, hodi hein Governu haruka billete mak sira foin fila mai Timor.

Aleinde ne’e, MNEK mós simu ona informasaun katak iha timor-oan na’in-11 abandona hela iha Alemaña.

“Ami tenta atu buka tuir tanba sira mós iha ne’ebá moris susar oituan. Imi (sidadaun) la’o la hateten ba Governu, hafoin Governu buka tuir ne’e mak susar oituan,” Ministra preokupa.

Jornalista    : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!