iklan

COVALIMA, POLÍTIKA, SAÚDE

Hasa’e taxa partisipasaun, pesoál saúde Cavalima vasina komunidade iha fatin públiku

Hasa’e taxa partisipasaun, pesoál saúde Cavalima vasina komunidade iha fatin públiku

Pesoál saúde Cavalima vasina komunidade iha fatin públiku. Imajen/Espesiál.

COVALIMA, 11 jullu 2022 (TATOLI)—Diretora Servisu Saúde Munisípiu Covalima, Maria de Fátima Moniz informa, atu hasa’e taxa partisipasaun vasina Booster mak pesoál saúde akompaña hosi Sentru Integradu Jestaun Krize hamutuk ho PNTL halo vasina ba komunidade iha fatin públiku.

Pesoál saúde Cavalima vasina komunidade iha fatin públiku. Imajen/Espesiál.

“Ami halo planu halo imunizasaun vasina Booster ba ita-nia komunidade iha fatin públiku, nune’e ami identifika loron komunidade ba merkadu sira iha Covalima. Hanesan Zumalai, loron merkadu iha kinta, Tilomar iha kuarta, Beco iha sesta no Suai Loron komunidade ba bazar iha merkadu ne’e iha sábadu, tanba ita hetan númeru alvu boot liu,” Maria de Fátima Moniz hateten ba Agência Tatoli, iha nia knar fatin, Camanasa, segunda ne’e.

Tuir dadus imunizasaun vasina Booster iha Covalima atinje ona 25% maibé tuir prozesaun hosi Ministériu Saúde atinje ona 20,1% no ekivalente ba númeru ne’e hamutuk 8,194 to’o atinjer alvu ne’e ema 4,864.

Aleinde vasina Booster, nia mós informa, imunizasaun vasina Pfizer ba estudante sira idade 12 no menus hosi idade 18 ba doze dahuluk atinje ona 87.1% no ekivalente ba númeru ba 8,507 no doze daruak 62,9% ekivalente ba númeru 6,142 alvu, tuir prozesaun hosi 9,763.

“Estoke vasina bainhira menus ona ami hato’o pedidu ba iha nasionál hodi haruka vasina mai iha munisípiu Covalima. Tanba ne’e, iha sábadu semana kotuk, ita distribui ona vasina ba iha postu administrativu hitu (7),” nia dehan.

Ho nune’e, estoke vasina iha armajen Servisu Saúde Munisípiu Covalima sei sufisiente tanba iha armajen vasina iha vial 556.

Jornalista : Celestina Teles

Editór      :Cancio Ximenes

iklan
iklan

Leave a Reply

iklan
error: Content is protected !!