DILI,11 jullu 2022 (TATOLI)– Reprezentante Organizasaun Mundiál World Food Programme (WFP) iha Timor-Leste, Dageng Liu, segunda ne’e, hala’o despedida ho Primeiru Ministru, Taur Matan Ruak, tanba mandatu ka misaun remata ona iha Timor-Leste.
“Semana ne’e hanesan semana ikus mai ha’u, nune’e ha’u mai hasoru ho Primeiru Ministru hodi deside no hato’o apresiasaun ba Primeiru Ministru durante servisu hamutuk iha tinan haat ho fulan tolu,” Dageng Liu hateten ba Jornalista-sira hafoin ramata sorumutuk ho PM Taur, iha Palásiu Governu.
Notísia relevante: MS-WFP lansa distribuisaun ai-han riku vitamina no minerál ba grupu vuneravél
Biban ne’e, Primeiru Ministru Taur Matan Ruak, apresia ho servisu WFP nian iha Timor-Leste durante ne’e liuliu foku ba seguransa ai-han iha nasaun ne’e.
“Primeiru Ministru mós fó mensajen ida ba ha’u, kona-bá WFP nia suporta durante Pandemia COVID-19 nia laran. Ho nune’e Timor-Leste ho parseiru internasionál sira sei servisu hamutuk liután oinsa atu kombate mós má-nutrisaun iha Timor-Leste,” nia dehan.
WFP mós agradese ba lideransa Primeiru Ministru, Taur Matan Ruak, nian ne’ebé tau mós importánsia hodi luta kontra má-nutrisaun iha Timor-Leste.
Notísia relevante: WFP rejista uma-kain 41% iha Timor-Leste afetadu inseguransa ai-han
Jornalista: Hortencio Sanchez
Editór : Florencio Miranda Ximenes
