HEADLINE, INKLUZAUN SOSIÁL, NASIONÁL

PM Taur hato’o sentidu kondolénsia ba família veteranu Mau Mesak

PM Taur hato’o sentidu kondolénsia ba família veteranu Mau Mesak

Primeiru-Ministru, Taur Matan Ruak, halo vizita ba veteranu Mau Mesak bainhira baixa hela iha Hospital Nasionál Guido Valadares (HNGV), iha tinan 2019. Imajen/GPM

DILI, 11 jullu 2022 (TATOLI)-Primeiru-Ministru (PM), Taur Matan Ruak, hato’o sentidu kondolénsia ba família veteranu José Gusmão ‘Mau Mesak’, ne’ebé hakotu-iis, iha segunda ne’e.

“Primeiru-Ministru hanesan mós eis Komandante FALINTIL, hato’o profunda sentidu kondolénsia ba família veteranu 24 anos, José Gusmão ‘Mau Mesak’ ne’ebé husik ona mundu iha loron 11 jullu 2022,” PM hato’o sentimentu triste liuhosi nota ne’ebé Agência Tatoli asesu, hosi Gabinete PM.

Notísia relevante: PM-SEACLN inaugura uma veteranus

Saudozu hanesan Veteranu FALINTIL tinan 24, ne’ebé durante tempu rezisténsia, saudozu la’o ho grupu Xefe Estadu Maiór FALINTIL.

Iha tinan 2019, Primeiru-Ministru, Taur Matan Ruak, halo vizita ba veteranu Mau Mesak bainhira baixa hela iha Hospital Nasionál Guido Valadares (HNGV).

Saudozu Mau Mesak moris iha loron 07 fevereiru 1955, iha suku Uaitame, postu administrativu Uatulari, munisípiu Viqueque.

Ba nia dedikasaun, hetan kondekorasaun hosi Estadu ho Ordem Gerilla iha loron 07 dezembru 2006.

Liuhosi instrusaun PM Taur, iha mandatu VIII Governu Konstisuionál hamosu polítika halo uma dignu ba veteranu sira ne’ebé luta ona durante tinan 24, ne’ebé saudozu mós hanesan benefisiáriu ida.

“Semana kotuk foin mak inaugura saudozu nia uma, maibé infelizmente saudozu labele goza uma ne’e tanba fila ona Maromak nia kadunan Santu,” refere nota hosi ezekutivu. 

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!