LIQUIÇÁ, POLÍTIKA

Rai Los: Planu Governu integra veteranu iha vida ekonómika seidauk implementa

Rai Los: Planu Governu integra veteranu iha vida ekonómika seidauk implementa

DILI, 11 jullu 2022 (TATOLI)—Prezidente Konsellu Veteranu Munisípiu Liquiça, Vicente da Conceição “Rai Los”, hateten programa VIII Governu Konstitusionál hahú planu atu integra veteranu grau 0,3 ho 4,7 iha vida ekonomia no sosiál.

Notísia Relevante: SASCAS no CCLN selebra akordu tau-matan ba grupu veteranu

Fundu ba programa ne’e hosi Servisu Apoia Sosiedade Sivíl no Auditoria Sosiál (SASCAS) ho Konsellu Kombatente Libertasaun Nasionál (CCLN) hodi fasilita veteranu sira atu buka moris, maibé progarama ne’e to’o agora seidauk implementa.

“Atividade SASCA ne’e di’ak tanba bele ajuda apoiu no hodi rekupera ekonómia einjerál nasaun ida-ne’e nian no fó benefísiu ba kombatente ho grau 0,3 no 4,7 hotu-hotu ne’ebé la hetan pensaun hosi Estadu. Tanba ne’e programa ida-ne’e di’ak hodi bele ajuda no hasa’e rendimentu ekonómia família nian. Maibé, Governu integra veteranu iha vida ekonómika no sosiál ne’e to’o agora seidauk implementa,” Rai Los hateten ba Agência TATOLI, liuhosi telefónika, domingu ne’e.

Governu tenke kria atividade ekonómika hirak-ne’e, nune’e bele fó rendimentu ba veteranu sira maske hetan uitoan maibé garante katak iha futuru sira mós bele hetan moris di’ak.

“Rendimentu ne’e mesmu uitoan maibé ita bele garante katak sustentabilidade ba futuru veteranu 0,3 ho 4,7 nian. No, liuhosi programa ne’e hasa’e rendimentu ekonómiku sira-nian tanba ita ko’alia kona-ba sustentabilidade mak ita labele haree liu ba sira-ne’ebé hetan privilejiu maibé liu-liu ba sira-ne’ebé mak la hetan privilejiu ka la asesu benefísiu ba kombatente libertasaun nasionál nian,” dehan.

Notísia Relevante: CCLN sei fó $20,000 ba veteranu grau 0-3 kria grupu buka moris

Ho programa ne’e, Prezidente Konsellu Veteranu ne’e hatutan, veteranu Liquiça forma ona grupu ida no ho nia atividade mak atu haki’ak karau.

“Ami forma ona grupu ba atividade SASCAS nian no ami hein bainhira mak implementa no liuhosi programa ne’e fó benefísiu ka lae. Nune’e ami husu sosiedade sivil aselera programa ne’e, nune’e nune’e ita bele haree nia rezultadu ne’e saida,” Rai Los hateten.

Tanba ne’e, nia husu Governu atu veteranu 17.000-resin iha Liquiça ne’e tenke kobre hotu, nune’e bele hetan benefísiu uitoan hosi programa ne’ebé sosiedade sivil inisia ona maibé tenke aselera no presiza iha kontinuidade ba programa ne’e.

“Rekomendasaun hosi ami hanesan kombatente libertasaun, presiza Governu atu elabora planu ne’ebé didi’ak, liu-liu kobre ema hotu labele agrupa ema ida rua de’it,” nia rekomenda.

Rai Los hateten, SASCAS hamutuk ho Governu sei prevee osan iha Orsamentu Jerál Estadu (OJE) 2022 ne’e hamutuk $500,000 ba programa refere.

“Maibé ha’u hanoin osan $500, 000 ne’ebé atu aloka ba kada munisípiu ne’e sei la sufisiente tanba labele kobre hotu veteranu. Tanba ne’e mak Governu mak tenke haree ho seriedade no tau osan barak, labele kria ba ema ida rua de’it entaun seluk ne’e bele mosu laran moras ba malu. Tanba ami veteranu Liquiça ne’e 17.000 resin no ita foin mak ho ema na’in-20,” nia relata.

Nune’e mós, tuir nia, Governu liuhosi Konsellu Kombatente Libertasaun Nasionál (CCLN, sigla portugés) ne’ebé atu fó apoiu fundu $20.000 hodi organiza veteran grau 0-3 atu kria grupu hodi buka moris ne’e mós la sufisiénte.

Notísia Relevante: Governu integra veteranu iha vida ekonómika liuhosi pensaun-subsídiu

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!