iklan

EDUKASAUN, COVALIMA

Autoridade husu Governu tetu desizaun hapara atividade klase paralela UNPAZ iha Covalima

Autoridade husu Governu tetu desizaun hapara atividade klase paralela UNPAZ iha Covalima

Sekretáriu Munisípiu Covalima, Francisco de Jesus Alves. Imajen Tatoli/Celestina Teles.

COVALIMA, 12 jullu 2022 (TATOLI)—Sekretáriu Administrasaun Munisípiu Covalima, Francisco de Jesus Alves, husu Governu tetu desizaun ne’ebé atu taka atividade klase paralela Universidade da Paz (UNPAZ) iha Covalima.

Notísia Relevante: Covalima-oan la aseita Governu hapara atividade klase paralela UNPAZ iha Suai

“Atu taka atividade klase paralela UNPAZ iha Covalima desizaun ne’e ita presiza tetu no haree didi’ak bainhira prosesu administrativu seidauk kompletu ita presiza atu kompleta la’ós atu taka, ita kompleta hodi kontinua nafatin eduka ita-nia joven iha Covalima,” Francisco de Jesus Alves hateten ba Agência Tatoli, iha nia knar fatin, Kampung baru, tersa ne’e.

Razaun atu tetu desizaun tanba atividade klase paralela UNPAZ ajuda tebes inan-aman sira kbiit laek ne’ebé la konsege haruka nia-oan ba eskola iha Dili no ajuda mós funsionáriu públiku labele eskola iha Dili, sira bele hala’o servisu no kontinua eskola bele eleva sira-nia nivél edukasaun hodi aumenta sira-nia kuñesimentu hodi bele servi povu Covalima ne’e.

Tanba Eduka covalima-oan parte ida dezenvolve nasaun timor Leste, iha área edukasaun bainhira taka atividade klase paralela estudante lubuk ida mak sei sai vítima tanba sira hala’o ona sira-nia prosesu estudu derepenti taka sira atu ba ne’ebé sira mós timor-oan iha direitu atu asesu ba edukasaun iha sira-nia rai rasik.

Maibé bainhira eskola seidauk prense rekezitu balun nia rekomeda ba universidade presiza kompleta, maibé banhira Governu foti desizaun atu taka tenke tetu didi’ak.

“Ha’u hanoin desizaun ida ne’ebé atu taka ramu UNPAZ Covalima ha’u ladún aseita tanba ita-nia estudante barak mak hala’o sira-nia estudu iha UNPAZ ramu Covalima,” nia dehan.

Antes ne’e iha kinta (07/07) Covalima-oan la aseita desizaun hosi Ministru Ensinu Superiór Siénsia no Kultura, Longuinhos dos Santos, hasai deklarasaun deside atu taka atividade klase paralela UNPAZ iha Suai.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!