DILI, 12 jullu 2022 (TATOLI)—Parlamentu Nasionál (PN), tersa ne’e, liuhosi reuniaun plenária autoriza pedidu Prezidente Repúblika (PR), José Ramos Horta, atu vizita Indonézia, ho votu unanimidade a-afavór 60, kontra no abstensaun 0.
Notísia Relevante: PR Horta hato’o karta pedidu autorizasaun ba PN atu vizita Indonézia
“Nune’e asentimentu pedidu autorizasaun vizita Estadu Prezidente Repúblika aprovadu,” Prezidente Parlamentu Nasionál, Aniceto Longuinhos Guterres Lopes, fó sai iha iha plenária Parlamentu Nasionál.
Enkuantu, vizita Xefe Estadu nian ne’e tuir pedidu ne’ebé iha sei hahú hala’o vizita iha 18 jullu 2022, no hetan konvite hosi Prezidente Repúblika Indonézia, Joko Widodo.
Iha vizita PR Horta nian ne’e, akompaña hosi delegasaun Deputadu sira bankada parlamentár ida-idak ho mós membru Governu balun.
Notísia Relevante: Vizita PR Horta sei hametin kooperasaun ho Indonézia
Jornalista : Nelson de Sousa
Editór : Cancio Ximenes
