DEFEZA, HEADLINE, NASIONÁL

Governu aprova estatutu orgánika unidade FALINTIL

Governu aprova estatutu orgánika unidade FALINTIL

Marsa Militar F-FDTL iha ámbitu serimónia graduasaun membru foun, iha Sentru Formasaun Metinaro, segunda (31/01). Imajen Tatoli/Francisco Sony

DILI, 13 jullu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova projetu dekretu-lei, ne’ebé aprezenta hosi Ministru Defeza (MD), Filomeno da Paixão de Jesus, kona-ba estatutu orgánika unidade FALINTIL, hodi estabelese ninia estrutura no atribuisaun.

“Unidade ne’e integra ona iha estrutura sentrál FALINTIL-Forsa Defeza Timor-Leste (F-FDTL), hanesan unidade operasaun espesiál ida,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu.

Notísia relevante: MD no F-FDTL anúnsia rekruta membru foun na’in-600 iha tinan ne’e

Unidade FALINTIL ninia misaun prinsipál mak atu forma militár sira iha área espesífika operasaun espesiál no hodi prepara forsa operasaun espesiál ida.

Aleinde ne’e, forsa operasaun espesiál ida mak unidade operasionál efetivu reduzidu ida, espesialmente organiza no harii pesoál espesialmente selesionadu, treinadu no ekipadu hodi hala’o sob kondisaun fízika no psikolojikamente eziste iha kumprimentu misaun ne’ebé ezije téknika no atuasaun ne’ebé la konvensionál.

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!