iklan

EDUKASAUN, HEADLINE

Governu kria komisaun interministeriál laboratóriu nasionál enjeñaria

Governu kria komisaun interministeriál laboratóriu nasionál enjeñaria

Vise Primeiru-Ministru no Ministru ba Planu no Ordenamentu, José Maria dos Reis, prezide reuniaun Konsellu Ministru, iha Palásiu Governu, kuarta (13/07). Imajen Tatoli/Francisco Sony

DILI, 13 jullu 2022 (TATOLI)—Vise Primeiru-Ministru no Ministru Planu no Ordenamentu, José Maria dos Reis, aprezenta rezolusaun Governu iha reuniaun Konsellu Ministru (KM), kuarta ne’e, atu kria komisaun interministeriál laboratóriu nasionál enjeñaria Timor-Leste.

“Komisaun ne’e ho responsabilidade atu aprezenta ba Konsellu Ministru iha prazu fulan-tolu kona-ba planu kriasaun laboratóriu nasionál enjeñaria Timor-Leste,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Notísia relevante: Japaun Entrega Ekipamentu Laboratóriu Ba FEST

Komisaun ne’e prezide hosi Vise-Primeiru-Ministru, kompostu hosi Ministru Obra Públika, Abel Pires no Ministru Ensinu Superiór Siensia no Kultura (MESSK), Longuinhos da Silva.

Portavós Governu dehan, ministériu sira hanesan Ministru Obra Públika (MOP) no Ministériu Planu no Ordenamentu (MPO) iha laboratóriu rasik, tanba ne’e Governu hakarak iha laboratóriu ida hodi nune’e bele simplika serbisu no redús problema ho koordenasaun.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!