COVALIMA, EKONOMIA, JUSTISA

Janeiru-juñu: SCRN Covalima kontribui reseita $12.150 ba kofre Estadu

Janeiru-juñu: SCRN Covalima kontribui reseita $12.150 ba kofre Estadu

Osan Dollar Amerikanu. Imajen/Espesiál

COVALIMA, 13 jullu 2022 (TATOLI)—Diretór Servisu Konservatóriu no Notariadu Covalima, António Sarmento, informa hahú janeiru to’o juñu ne’e, Servisu Konservatóriu no Notariadu (SCRN) Covalima kontribui ona reseita $12.150 ba kofre Estadu.

 “Hahú janeiru to’o juñu, ita kontribui reseita $12,150 ba kofre Estadu liuhosi ita-nia sidadaun sira-ne’ebé mak trata pasaporte komun atu viajen ba rai-li’ur hodi buka servisu,” António  Sarmento informa ba jornalista sira, iha nia knar fatin, Bairo Sukaer-Laran, kuarta ne’e.

SCRN kontribui reseita $12.150 ne’e kompostu hosi fulan-janeiru hamutuk $ 1.400, fevereiru hamutuk $400, marsu hamutuk $ 1.100, abríl hamutuk $ 850, maiu hamutk $ 2.450 no fulan- juñu hamutuk $5.950.

Ho nune’e, SCRN Covalima halo atendimentu hodi trata pasaporte tipu komun ho nia presu $50.00, tanba ho razaun distánsia hosi Covalima ba iha ba Dili dook, nune’e Dirasaun Jerál orienta munisípiu halo atendimentu de’it ba iha pasaporte komun.

Tuir dadus hosi SCRN Covalima durante fulan-neen (6) hahú hosi janeiru to’o juñu, sidadaun na’in-243 mak trata pasaporte komun ne’ebé kompostu hosi feto na’in-178 no mane na’in-65.

Aleinde halo atendementu ba sidadaun sira trata trata pasaporte, halo atendimentu mós sidadaun sira-ne’ebé trata Billete Identidade (BI) durante fulan neen hahú fulan janeitu to’o juñu hamutuk sidadaun na’in-8,182.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!