iklan

COVALIMA, POLÍTIKA

KFP halo simulasaun promosaun grau rejime jerál ba funsionáriu iha Covalima

KFP halo simulasaun promosaun grau rejime jerál ba funsionáriu iha Covalima

Funsionàriu públiku sira tuir simulasaun iha salaun AMC Covalima. Imajen Tatoli/Celestina Teles.

COVALIMA, 13 jullu 2022 (TATOLI)—Komisaun Funsaun Públika (KFP) liuhosi Dirasaun Nasionál Rekrutamentu Dezenvolvimentu Kareira iha Funsaun Públika hala’o simulasaun promosaun grau rejeme jerál kareira iha administrasaun públika ba funsionáriu sira iha munisípiu Covalima.

“Ami mai halo simulasaun atividade promosun grau rejime kareira jerál ba dahaat (4), hodi fo hanoin ba funsionáriu sira atu hatene oinsá atu uza eletróniku hodi tuir ezame atu aumenta grau ba funsionáriu sira,” Diretora Nasionál Rekrutamentu no Dezenvolvimentu Kareira, Marcelina Irene dos Santos Mesquita, hateten ba jornalista sira, iha salaun AMC Covalima, kuarta ne’e.

Iha simulasaun ne’e KFP aprenza dekretu-lei númeru 1 kona-ba rejime promosaun ba funsionáriu no tama iha deliberasaun eletróniku halo promosaun ba funsionáriu sira.

Simulasaun ne’e atu aumenta funsionáriu sira-nia kuñesimentu maske funsionáriu sira barak mak iha ona kuñesimentu maibé funsionáriu balun dala ruma tuir teste eletróniku klik sala iha pergunta.

Reprezentante Administradór Munisípiu Covalima, Francisco de Jesus Alves, dehan simulasaun ida-ne’e atu halo promosaun ba grau ba funsionáriu sira.

“Ha’u hamutuk ho ita-boot sira iha ne’e atu halo simulasaun promosaun grau rejime jerál atividade ida-ne’e ita hala’o bazea ba dekretu-lei númeru 1/2018 primeiru alterasaun númeru 5/2019 kona-ba promosaun grau ba funsionáriu la’ós rejime espesiál ha’u espera hafoin simulasaun ita-boot sira bele pasa halo mudansa ba grau,” nia informa.

Tanba ne’e, autoridade Covalima husu ba funsionáriu sira tenke partisipa didi’ak tuir simulasaun bainhira tuir teste bele entende ona nia lala’ok nune’e tuir teste ho susesu.

Simulasaun ne’e atu fó hanoin ba ita-bo’ot sira tuir teste halo tuir ita-nia formadór halo esplikasaun tinan-tinan ne’e ita tuir simulasaun iha Dili, maibé tinan ne’e hosi nasionál mai iha Suai halo simulasaun ba ita-boot sira tenke aproveita oportunidade,” nia hateten.

Tuir dadus hosi Komisaun Funsaun Públika, funsionáriu Covalima ne’ebé elijivél ba promosaun grau tinan fiskal 2022 hamutuk 319 hosi númeru ne’e mane 262, feto 57 mai hosi instituisaun sira hotu.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!