iklan

COVALIMA, KAPITÁL

Loron Nasionál Funsaun Públiku, funsionáriu públiku Covalima hala’o limpeza jerál

Loron Nasionál Funsaun Públiku, funsionáriu públiku Covalima hala’o limpeza jerál

Funsionáriu públiku sira halo limpeza jerál iha resintu igreja Ave Maria Suai, Imajen Tatoli/Celestina Teles.

COVALIMA, 14 jullu 2022 (TATOLI)–Sekretáriu Administrsaun Munisípiu Covalima, Francisco de Jesus Alves, hateten atu komemora loron nasionál funsaun públika ba daualuk, funsionáriu públiku sira iha Covalima hala’o limpeza jerál iha merkadu no resintu igreja Ave Maria Suai.

Notísia Relevante: Governu halo preparasaun ba loron nasionál Funsaun Públika ba daualuk

“Atividade ohin dadeer ne’e ita mai halo limpeza iha ámbitu komemora loron Funsaun Públika ne’ebé sei monu iha loron sesta (15/07), nune’e ita komesa hahú ona atividade,” Francisco de Jesus Alves hato’o ba jornalista sira, iha resintu igreja Ave Maria Suai, kinta ne’e.

Atividade limpeza jerál ne’e, partisipa masímu hosi funsionáriu públiku sira iha munisípiu Covalima no balun la partisipa tanba viajen ba Dili no servisu tékniku balun labele husik, entaun sira tenke kontinua hala’o sira-nia servisu.

Antes ne’e, iha tersa (28/5) tinan ne’e, Vise-Ministru Administrsaun Estatál (MAE), Lino de Jesus Torrezão hateten Governu hamutuk ho Komisaun Funsaun públika (Sigla-Portugés) sei selebra loron nasionál funsaun públika ho tema “Hakbi’it Servidores Estadu  hodi Asegura Servidór ba Públiku, iha Desentralizasaun Administrativa no Futuru Podér Lokál iha Timor-Leste”.

Antes ne’e, iha tersa (28/5) tinan ne’e, Vise-Ministru Administrsaun Estatál (MAE), Lino de Jesus Torrezão hateten Governu hamutuk ho Komisaun Funsaun públika (Sigla-Portugés) sei selebra loron nasionál funsaun públika ho tema “Hakbi’it Servidores Estadu hodi Asegura Servidór ba Públiku, iha Desentralizasaun Administrativa no Futuru Podér Lokál iha Timor-Leste”.

Nune’e mós Prezidente Komisaun Funsaun Públika (KFP), Faustino Cardoso Gomes, hateten atividade jornada la’o tuir ain fatin ba tinan 2022 sei hahú hosi suku Fatucalo ba to’o iha fatin istóriku ida naran Sentru Ermori iha Metinaro.

“Jornada la’o tuir saudozu Nicolau Lobato nia ain fatin hahú hosi suku Fatucalo, postu administrativu Turiscai, munisípiu Manufahi ba to’o fatin istóriku ida ho naran Sentru Ermori ne’ebé lokaliza iha suku Mantelolão, postu adminiatrativu Metinaro, Munisípiu Dili,” nia dehan.

Notísia Relevante: Komisaun Organizadora hahú halo preparasaun ba loron funsaun públika

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!