iklan

COVALIMA, POLÍTIKA

Governu husu entidade iha Covalima partisipa másimu konsultasaun públiku PED

Governu husu entidade iha Covalima partisipa másimu konsultasaun públiku PED

Vice Ministru MNEC, Juliao da Silva. Imajen TATOLI/Egas Cristóvão

COVALIMA, 19 jullu 2022 (TATOLI)–Governu liuhosi Vise-Ministru Negósiu Estranjeiru no Cooperasaun (MNEC), Julião da Silva, husu ba entidade hotu atu pastisipa másímu durante halo konsultasaun públiku Planu Estratéjiku Dezenvolvimentu (PED) 2011-2030 iha Covalima.

“Ami hein ita-boot sira bele partisipa ativu iha konsultasaun ida-ne’e to’o ramata inklui iha diskusaun temátika atu bele kontribui no aspirasaun temátika sira bele kontribui dezenvolvimentu futuru Timor-Leste liu-liu munisípiu Covalima hodi nune’e ekipa tékniku bele halo analiza no integra reajustamentu Planu Estretejiku Dezenvolvimentu (PED),” Julião da Silva hato’o liuhosi nia diskursu, iha salaun AMC, tersa ne’e.

Governante ne’e inforoma, ekipa tékniku sira halo konsultasaun públiku Planu Estratéjiku Dezenvolvimentu (PED) 2011-2030 ne’e, atu rona povu sira-nia opiniaun no mehi sira, bele garante prosesu dezenvolvimentu integradu inkluzivu no sustentavél realizasaun futuru ne’ebé di’akliu tuir povu nia mehi.

Nune’e, atu lori Covalima ba oin la’ós iha Governu nia liman maibé presiza hotu-hotu nia kontribuisaun hanesan igreja, sosisedade sivil, setór privadu, grupu kooperativa, veteranu, grupu feto, grupu juventude no grupu vulneravél sira hodi bele atinje no melloria PED.

“Ita garantia de’it ba Estadu no Governu, PED ne’e nia natureza hakarak husu ema hotu nia kontribuisaun labele fó de’it idea, ita hotu tenke reponsabiliza ita-nia ideia sira-ne’ebé mak partila. Ami hamutuk ho ekipa fasilita de’it lori Suai la’o oinsá depende ideia ne’ebé ita-boot sira dezenvolve,” nia dehan.

Durante ekipa sira halo diskusaun públiku ne’e, iha parte dadeer ekipa sira halo aprezentasaun kona-ba rezultadu avaliasaun no implementasaun Planu Estratéjiku no Dezenvolvimentu (PED) 2011-2030 no parte lokoraik ekipa sira fahe grupu hodi identifika problema no buka solusaun.

Governu halo konsultasaun ba loron daruak ne’e partisipa hosi entidade sira hanesan sosiedade sivil, igreja, veteranu, setór privadu, grupu kooperativa sira, juventude no grupu feto sira.

Ekipa sira durante ne’e halo konsultasuan públiku iha munisípiu sira hanesan Bobonaro, Liquiça, Ermera, Viqueque, Lautém, Baucau, Dili hafoin finaliza iha Covalima, ekipa sira kontinua iha munisípiu Ainaro.

Tuir planu hafoin halo konsultasaun públiku ba PED iha munisípiu Ainaro sei kontinua iha Munisípiu Manufahi, Aileu, Manatuto no Ataúro ikus liu iha Rejiaun Administrativa Espesiál Oé-Cusse Ambeno (RAEOA).

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!