DILI, 20 jullu 2022 (TATOLI)–Governu liuhosi reuniaun Konsellu Ministru (KM) ordináriu, kuarta ne’e, aprova subsídiu diáriu alimentasaun ba ofisiál Servisu Migrasaun sira.
Dekretu Governu ne’e aprezenta hosi Ministru Interiór, Taur Matan Ruak no Vise-Ministru Interiór, António Armindo.
“Projetu dekretu Governu ne’e atu fiksa valór diáriu no konsekuentemente regula pagamentu subsídiu, hanesan prevee iha estatutu pesoál Servisu Migrasaun hodi hanesan ne’e uniformiza ho valór subsídiu alimentasaun nian ne’ebé prevee iha rejime remuneratóriu ba Forsa Defeza Seguransa,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.
Notísia relevante: Governu prevee millaun $3 sosa edifísiu foun ba Servisu Migrasaun
Valór diáriu hosi subsídiu ne’ebé define iha diploma ida-ne’e ho $10 ba ofisiál Servisu Migrasaun hotu.
Jornalista : Antónia Gusmão
Editora : Julia Chatarina
