BAUCAU, DILI, POLÍTIKA

Komisaun D rekomenda MAP aumenta orsamentu manutensaun tratór iha Baucau

Komisaun D rekomenda MAP aumenta orsamentu manutensaun tratór iha Baucau

Kondisaun tratór a’at ne’ebé para iha Servisu Agrikultura munisípiu Baucau, tersa (13/07). Imajen TATOLI/Natalino Belo

DILI, 20 jullu 2022 (TATOLI)—Komisan D trata asuntu Ekonomia no Dezenvolvimentu iha Parlamentu Nasionál (PN), rekomenda ba Ministéiru Agrikultura no Peska (MAP) atu aumenta orsamentu ba manutensaun tratór no reforsa ofisina iha munisípiu Baucau.

Notísia Relevante: Baucau garante produsaun ai-han iha implementasaun podér lokál

Rekomendasaun komisaun D ne’e hato’o liuhosi relatóriu ne’ebé antes ne’e komisaun hala’o fiskalizasaun iha terrenu ba munisípiu Baucau iha 22-25 juñu 2022 ne’ebé lideradu hosi Prezidente Komisaun D, Antonino Bianco akompañadu hosi membru komisaun sira no relatóriu ne’e komisaun aprezenta ona iha reuniaun plenária komisaun permanente iha PN.

“Rekomenda ba Ministéiru Agrikultura no Peska ba oin atu aumenta orsamentu ba manutensaun tratór no reforsa ofisina iha munisípiu. Husu muda polítika manutensaun labele liuhosi konkursu públiku ba empreza no atu di’akliu mak parte nasionál prepara de’it armazen ida espesífiku ba ekipamentu tratór no destaka ho mékaniku balun hodi foku de’it ba prepara planu fazeadamente hodi sosa ekipamentu tratór nian no tau iha ne’eba. Bainhira trataór ne’ebé aat iha kada munisípiu hato’o de’it pedidu ba nasionál,” refere relatóriu komisaun D ne’ebé Agência Tatoli asesu, kuarta ne’e.

Ho nune’e, prosesu fasíl liu no lalais liu maibé bainhira liuhosi konkursu ba empreza prosesu aprovizionamentu demo no realidade mak tratór kontinua aat ba beibe’ik. Maibé bainhira empreza mai halo manutensaun, peça sira-ne’ebé troka no halo manutensaun empreza lori hotu no bainhira tratór aat derrepente, mékaniku sira presiza buka fali peça sira-ne’e laiha entaun sei hein fali konkursu foun.

Enkuantu, tuir relatóriu komisaun nian rekolla iha terrenu katak tratór boot ne’ebé destaka iha munisípiu Baucau iha unidade 30 no hosi totál ne’e iha lima (5) tama ona ba leilaun, 15 kondisaun aat no 10 mak kondisaun di’ak hodi antende hela pedidu hosi agrikultór sira.

Orsamentu manutensaun ba tratór kada tinan aloka ho totál $2000 hodi utiliza de’it ba manutensaun ki’ik no manutensaun boot sentraliza iha nasionál.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!