BAUCAU, HEADLINE, MUNISÍPIU, POLÍTIKA

MPO konsulta Autoridade Baucau kona-ba planu ordenamentu munisipál

MPO konsulta Autoridade Baucau kona-ba planu ordenamentu munisipál

Vise-Primeiru-Ministru no Ministru Planu Ordenamentu, José Maria dos Reis. Imajen Tatoli/Natalino Belo.

BAUCAU, 20 jullu 2022 (TATOLI) – Ministériu Planu no Ordenamentu (MPO) lideradu José Maria dos Reis, kuarta ne’e, hahú konsulta públika kona-ba planu ordenamentu munisipál iha Baucau.

Ministru Planu no Ordenadmentu no Vise Primeiru-Ministru ne’e esplika, objetivu hosi lansamentu refere atu halo konsulta iha munisípiu Baucau kona-ba ordenamentu munisipál tanba iha tinan kotuk no tinan ida-ne’e hahú lansamentu uluk iha munisípiu lima hanesan Ermera, Bobonaro, Lautém, Viqueque no Baucau.

“Konsulta ida-ne’e inportante tebes tanba povu tenke fó nia vizaun ba iha futuru Baucau ne’e atu sai oinsá, atu hatene loloos potensialidade, oportunidade no risku iha espasu munisípiu Baucau,” governante ne’e hateten iha Sentru Konvensaun Baucau (CCB, sigla portugés), Vila Antiga.

MPO hala’o kna’ar ne’e bazea ba informasaun hosi kamada sosiál komposta hosi intelektuál, lia-na’in sira, funsionáriu no reprezentante komunidade hanesan administradór postu no xefe suku atubele fó hanoin hodi elabora planu ordenamentu munisipál.

MPO nu’udar na’in ba programa refere prepara mós fasilitadór inklui konsultadór ne’ebé iha koñesementu no peritu iha área oinoin hanesan agrikultura, turizmu, ambiente no seluk tán hodi rona opiniaun hosi populasaun kona-ba futuru planu ordenamentu munisípiu Baucau tuir potensialidade, oportunidade no risku.

Bainhira finaliza ona sei sai nu’udar konseitu dezenvolvementu munisípiu Baucau no bainhira halo dezenvolvementu ida ezemplu atu halo indústria presiza iha fatin atu labele estraga ambiente

“Dezenvolvimentu la’ós halo arbiru, iha hotu regra,” José Reis akresenta.

Tuir planu konsulta públiku ne’ebé MPO lidera ne’e sei finaliza iha fulan-abril tinan-2023 no sei aprova liuhosi Konsellu Ministru tanba tenke introdús ba dekretu lei.

Tuir nia, munisípiu Baucau iha poténsia ba setór turizmu hanesan istóriku, relijiozu no natureza tanba ne’e iha planu ordenamentu munisipál presiza fó atensaun ba infraestrutura hanesan aeroportu hodi fasilita turista sira vizita Baucau.

Sekretáriu Autoridade Munisipu Baucau, Simão dos Santo Marques Pinheiro, rekoñese planu ordenamentu munisipál inportante tanba futuru sai konseitu ba dezenvolvementu munisipál nune’e autoridadade Baucau hahú ona preparasaun iha fulan-abril hodi responde ba polítika governu nian ne’e.

“Kamada hotu-hotu iha Baucau tenke envolve hotu atu foti desizaun ida deit,” nia hateten.

Jornalista   : Natalino Belo

Editór         : Evaristo Soares Martins

iklan
iklan

Leave a Reply

iklan
error: Content is protected !!