COVALIMA, POLÍTIKA

AMC sei realiza sensibilizasaun lei ijiene no órden públika iha postu haat

AMC sei realiza sensibilizasaun lei ijiene no órden públika iha postu haat

Sekretáriu Munisípiu Covalima, Francisco de Jesus Alves. Imajen Tatoli/Celestina Teles.

COVALIMA, 21 jullu 2022 (TATOLI)–Administrasaun Munisípiu Covalima (AMC) forma ona ekipa atu realiza sensibilizasuan dekretu-lei númeru 33/2008 kona-ba “Ijíene no Órden Públika” iha postu administrativu Suai, Maucatar, Tilomar no Zumalai.

“Implementasaun dekretu-lei kona-ba “Ijiene Órden Públika”, ita tama ona faze sensiblizasaun no semana oin ita hahú hala’o ona sensibilizasaun ne’ebé sei hahú uluk iha postu administrativu Tilomar, Maucatar, Suai no Zumalai,” Reprezentante Administradór Munisípiu Covalima, Francisco de Jesus Alves, informa ba Agência Tatoli, iha salaun AMC, kinta ne’e.

Ekipa sira hahú hala’o sensibiliza ba komunidade sira-ne’ebé iha área urbana sira liu-liu parte iha estrada prokolu sira, hafoin faze segundu ba iha postu sira seluk to’o suku no aldeia sira hodi bele implementa lei refere.

Tuir kalendáriu no mós despaixu hosi Administradór Munisípiu atu implementa lei númeru 33/2008 hahú iha kinta (21/8) tinan ne’e.

Ho nune’e, animál ne’ebé husik livre iha vila laran ekipa task force sira sei oho hodi entrega ba instituisaun sosiál hanesan konventu madre sira-nian no fó orfanatu sira iha Covalima, tanba tuir dekretu-lei númeru 33/2008 katak animál sira-ne’ebé laiha luhan ka fuik hela iha dalan ibun, lei autoriza atu kaer moris ka oho.

Ekipa task force sira hahú halo kontrolu iha estrada protokolu sira hanesan parte Fronteira Mota Masin, postu administrativu Suai hanesan iha suku Suai-Loro, Debos no Camanasa, postu administrativu Maucatar suku Ogues no Matai.

Ekipa task force ne’e kompostu hosi Administradór Munisípiu, Komandante PNTL, Prezidente Konselu Veteranu sai hanesan konsilleiru, Dirasaun Nasionál Servisu Seguransa Nasionál Patrimóniu Estadu, Bomibeiru, Meiu Ambiente hosi saúde, Jestaun Merkadu, Administradór postu no xefe suku sira.

Antes ne’e, iha tersa (05/07), Administradór Munisípiu Covalima forma ona ekipa task force atu halo sensibilizasaun ba dektretu-lei númeru 33/2008 kona-ba ijíene órden públika  ba komunidade sira iha Covalima.

Jornalista : Celestina Teles

Editór     : Cancio Ximenes

iklan
iklan

Leave a Reply

iklan
error: Content is protected !!