COVALIMA, POLÍTIKA

Konstrusaun UKL unidade 90 iha Covalima atinje ona 82%

Konstrusaun UKL unidade 90 iha Covalima atinje ona 82%

Konstrusaun Uma Kbiit laek iha Railaco Leten, Ermera. Imajen/Mídia MAE.

COVALIMA, 22 jullu 2022 (TATOLI)–Diretór Programa Nasionál Dezenvolvimentu Suku (PNDS) Munisípiu Covalima, Filipe Cardoso, informa progresu konstrusaun Uma Kbiit Laek (UKL) unidade 90 ne’ebé implementa iha tinan fiskál 2021 komulativu atinje ona 82%.

Notísia Relevante: Konstrusaun Uma Kbiit Laek 90 iha Covalima atinje ona 75,54%

“Progresu implementasaun UKL regulár ba faze dahuluk ne’ebé utiliza orsamentu tinan fiskál 2021, iha Covalima, ita hotu hatene katak konstrusaun UKL unidade 90 ne’ebé implementa iha postu administrative hitu (7) suku 30 ho nia benefisiáriu 90 ne’ebé progresu komulativu atinje ona 82%,” Filipe Cardoso informa ba Agências Tatoli, iha nia kna’ar fatin, Sukaer-Laran, sesta ne’e.

Hosi konstrusaun UKL unidade 90 ne’ebé entrega ona ba benefisiáriu sira iha unidade 51 no UKL ne’ebé sei kontinua faze konstrusaun hamutuk unidade 30 mak seidauk konklui 100%, UKL unidade 24 no uma tolu (3) mak seidauk halo konstrusaun iha suku Lepo, aldeia Horba, postu administrativu Zumalai tanba la asesu estrada atu transporta materiál konstrusaun.

Implementasaun UKL unidade 90 iha tinan fiscal 2021 ho tipu uma 48 metru kuadradu hamutuk 65 no tipu 37 metru kuadradu hamutuk 25.

UKL tinan fiskál 2021 ne’ebé seidauk finaliza halo konstrusaun mak hanesan, iha postu administrativu Maucatar iha suku Matai ne’e iha UKL unidade-ttolu (3), postu administrativu  Suai seidauk finaliza konstrusaun iha suku Suai Loro, Camanasa, Debos, Beco  no Labarai, postu aaddmintrativu Fatumea iha suku Be Lulic Leten, Fatumea  ho Nanu ne’ebe sei iha faze kontinuasaun  konstrusaun.

Iha postu administrative Fohorem maka iha suku Dato-Rua, Fohorem no Laktos, postu administrative Tilomar iha suku Beiseuk implementa iha aldeia Baer UKL unidade tolu (3), suku Casabauk iha aldeia Tabolo, suku Maudemo implementa iha aldeia Ai-Oan no Postu administrative Fatululik mak finaliza ona konstrusaun UKL.

“Ho atrazu sira-ne’e sai hanesan alvu ami-nia planu, nune’e fulan-agastu nia rohan ami-nia alvu hakarak konklui 100% konstrusuan UKL ne’ebé implementa iha tinan fiskál 2021,” nia dehan.

Razaun konstrusaun seidauk finaliza tanba kompañia fornesedór materiál laiha kbiit finanseiru no mudansa ba presu materiál konstrusaun, nune’e halo kompañia balun retira.

Ekipa Programa Nasional Dezenvovimentu Suku (PNDS) Covalima konstrui Uma Kbiit Laek (UKL) unidade 90 ne’ebé implementa iha postu adminisstratiivu hitu (7), suku 30 ho nia orsamentu hamutuk $1,491,000.00.

Jornalista : Celestina Teles

Editór  : Cancio Ximenes

iklan
iklan

Leave a Reply

iklan
error: Content is protected !!