HEADLINE, NASIONÁL, SEGURANSA

PNSIK detein eis Prezidente partidu Frente Mudansa EA

PNSIK detein eis Prezidente partidu Frente Mudansa EA

Prosesu detensaun eis Prezidente partidu Frente Mundansa, EA, sábadu (23/7). Imajen/Espesiál

DILI, 24 jullu 2022 (TATOLI)–Polísia Nasionál Timor-Leste (PNTL) liuhosi Polísia Nasionál Servisu Investigasaun Kriminál (PNSIK), sábadu (23/7), detein eis Prezidente Partidu Frente Mundansa (FM), EA, iha ninia rezidénsia, Taibesi.

“PNSIK halo detensaun, apreensaun no buska bazeia ba mandadu hosi Tribunál Distritál Dili (TDD), ne’ebé hato’o mai PNSIK iha sesta (22/7) foin lalais ne’e,” Portavós PNTL, Superintendente Xefe, Armando Monteiro, informa, ba Agência Tatoli, via telefónika,  domingu ne’e.

Notísia relevante: PNSIK-AFP detein Australianu ida ne’ebé suspeitu ba krime tráfiku umanu

Nia dehan, PNSIK  halo detensaun tanba deskonfia EA envolve iha kazu korrupsaun balun.

“Tuir informasaun katak deskonfia nia envolve iha kazu korrupsaun ne’ebé kle’ur ona, maibé prosesu investigaun ba ida-ne’e sei la’o hela, ita hein de’it, ami seidauk bele pronúnsia buat balun,” nia dehan.

Aleinde ne’e, Portavós PNTL relata, kazu ne’e hanesan kazu internál iha partidu laran.

“Sira maka kesar malu iha partidu laran, deskonfia katak EA rasik  komete kazu korrupsaun ho tipu burla agravadu no abuzu poder iha partidu laran, tanba ne’e sira lori malu ba Tribunál. Nune’e, Tribunál hasai mandadu ba PNSIK atu ezekuta,” nia tenik.

Ba kestaun ne’e, Agência Tatoli tenta konfirma ho dirijente atuál partidu FM, maibé seidauk konsege hetan informasaun.

Jornalista   : Natalino Costa

Editora        : Julia Chatarina

iklan
iklan

Leave a Reply

iklan
error: Content is protected !!