iklan

NASIONÁL, HEADLINE, KAPITÁL

MTKI apoiu orsamentu $4.950 ba Parókia Maubisse

MTKI apoiu orsamentu $4.950 ba Parókia Maubisse

Arsebispu Arkidioseze Metropolitana Dili, Don Virgílio do Carmo da Silva. Imajen Tatoli/Egas Cristóvão

DILI, 25 jullu 2022 (TATOLI)—Ministériu Turizmu Komérsiu no Indústria (MTKI) apoiu orsamentu $4.950 ba Parókia Maubisse hodi selebra festa Padrueira Imaculada Coração de Maria ba dala-39 no festa kulturál Fahi-ulun, ne’ebé kada tinan sarani Maubisse sempre selebra.

Selebrasaun festa Padrueira Imaculada Coração de Maria, prezide hosi Arsebispu Akidioseze Metropolitana Dili, Don Virgílio do Carmo da Silva, ne’ebé iha ninia omília hateten, festa padroeira ne’e atu halibur sarani sira-nia unidade no halibur sarani sira atu agradese ba Maromak nia di’ak tomak ne’ebé akompaña ona ema ida-idak iha Parókia nia-laran, enkuantu festa kulturál Fahi-ulun nu’udar símbolu unidade sarani Maubisse nian.

Notísia relevante: Enseramentu Kulturál iha Maubisse, Suku Haat La Partisipa

Festa refere atu halibur sarani sira hodi hametin unidade no agardese ba Maromak, tanba Maromak nia akompañamentu mak halo hotu-hotu la’o di’ak durante tinan-ida nia laran.

Hafoin misa, Arsebispu hamutuk ho reprezentante Governu, Autoridade lokál, komunidade Padre, Madre, kontinua ho festa Fahi-ulun hodi han hamutuk tuir lisan no kultura Timor-Leste, liuliu Kultura no lisan Maubisse nian.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!