HEADLINE, INTERNASIONÁL, SOSIEDADE SIVĺL

ETAP tulun Paulo Sarmento iha Reinu Unidu to’o fila mai Timor-Leste

ETAP tulun Paulo Sarmento iha Reinu Unidu to’o fila mai Timor-Leste

East Timorese Association Peterborough (ETAP) hala’o hela reuniaun hodi solidariza Paulo Sarmento. Imajen espesiál.

REINU UNIDU, 26 jullu 2022 (TATOLI) – Komunidade timoroan iha Peterborough (ETAP, sigla inglés), tulun Paulo Sarmento (56 iha Reinu Unidu no apoia sosa billete ba Maubisse-oan ne’e to’o Timor-Leste tanba enfrenta moras.

East Timorese Association Peterborough (ETAP), Reinu Unidu, nu’udar organizasaun komunitária timoroan iha sidade Peterborough, apoia Paulo Sarmento (56), orijen hosi Maubisse, fila-fali mai Timor-Leste iha loron 16 jullu, ho aviaun Euro Atlantic tanba moras nune’e bele moris hamutuk ho nia família rasik iha Timor-Leste.

Paulo Sarmento, hetan moras dezde 2021. Baixa iha City Hospital Peterborough durante fulan ida ho balun dezde novembru 2021 to’o janeiru 2022.

Hafoin sai hosi ospitál, Paulo Sarmento (56) hela hamutuk ho nia kolega sira iha 78A Gladstone Street. Durante fulan lima nia laran, komunidade sira apoia hanesan lori ba konsulta iha ospitál, fó ai-haan no trata benefísiu públiku.

Prezidente komunidade timoroan iha Peterborough, Celso Oliveira, espika, hafoin reuniaun jerál ETAP nian, deside solidariza sosa billete aviaun ba Paulo Sarmento hodi fila fali ba Timor.

Dezde Paulo sai hosi ospiáal, nia laiha família iha sidade Peterborough atu tau matan ba nia.

“Ne’e duni, ami koordena malu buka apoia halo akompañamentu loron-loron ba nian. Ami nu’udar timoroan halibur osan hodi sosa billete ba nia hodi nia bele fila ba nia moris fatin, Timor Leste,” Prezidente komunidade timoroan iha inglaterra hateten.

Durante fulan-neen nia hela hamutuk ho nia belun sira iha 78A Gladstone Street, nune’e iha loron 15 jullu ho aviaun TAP Paulo ba Portugal. Maibe, nia la ba mesak Portugál tanba ETAP mós selu timoroan ida hodi akompaña nia ba to’o Portugal.

Durante iha Lisboa, hetan mós apoia hosi funsionáriu embaixada RDTL iha Lisboa, Portugál. Iha loron 16 fulan-jullu, Paulo Sarmento sa’e aviaun Euro Atlantic hosi Portugál ba Timor Leste.

“Ami kontente haree Paulo to’o Dili ho di’ak no simu ona hosi ninia família sira. Mundu ohin loron komesa mihis sentidu umanizmu. Tanba ne’e mak presiza kria komunikasaun di’ak entre ita ema ho Maromak no entre ita ema ho ema atu nune loke nafatin dalan mai ita ema atubele fó tulun ba malu, liuliu ba ema vulnerável sira.

Ne’e duni, Celso Oliveira lori komunidade timoroan iha Peterborough nia naran, fó obrigadu wain ba timoroan hotu.

“Ha’u la bele temi naran idak-idak inklui médika timoroan serbisu iha City Hospital Peterborough, katak sira-nia kontribuisaun boot tebes iha sidade Peterborough, Latimar, Thrapston no fatin ne’ebé kontribui voluntariamente hodi tulun Paulo Sarmento dezde sai hosi hospital to’o fila ba Timor. Ami dezeju ba Paulo Sarmento, kuidadu saúde nafatin iha Timor Leste”.

East Timorese Association Peterborough (ETAP) hamriik dezde 2010 iha sidade Peterbporough, Reinu Unidu ho objetivu prinsipál atu fó advokasia no apoia timoroan sira.

Kada tinan ETAP apoia ema atus-lima resin hodi trata dokumentu EUSS, renovasaun dokumentu, organiza atividade desportiva, kulturál, rekreiu ba tasi, misa no selebrasaun 20 maio.

“Ohin loron, liu ema atus sia hela no serbisu iha sidade Peterborough. Inan aman serbisu iha fábrika, oan sira frekuenta eskola dezde eskola infánsia to’o universidade.

Kontribuiente hosi Reinu Unidu

iklan
iklan

Leave a Reply

iklan
error: Content is protected !!