COVALIMA, POLÍTIKA

PNDS Covalima sei implementa UKL+ A-B iha suku sia

PNDS Covalima sei implementa UKL+ A-B iha suku sia

Diretor PNDS Covalima,Filipe Cardoso. Imajen Tatoli,Celestina Teles.

COVALIMA, 25 jullu 2022 (TATOLI)–Diretór Programa Nasionál Dezenvolvimentu Suku (PNDS), Filipe Cardoso informa, PNDS sei UKL+ katégoria A ho B iha Suku sia (9) ne’ebé implementa iha postu administrativu Maucatar no Suai, iha munisípiu Covalima.

Notísia Relevante: Konstrui UKL unidade 278 iha Covalima, PNDS sei halo levantamentu rai

“UKL+ liga ba siklu implementasaun iha suku sia (9) agora daudaun ita tama iha implementasaun foin iha faze senbilizasaun ne’ebé seidauk finaliza, nune’e konstrusaun fizíku seidauk hahú. Hafoin finaliza sensibilizasaun nivél postu mak hasai desizaun ne’ebé sei implementa. Ekipa tékniku sira foin halo levantamentu quick survey hodi bele hatene kada benefisiáriu ne’ebé konsidera elizivél halo verifikasaun no aprovizionamentu,” Filipe Cardoso informa ba Agência Tatoli, iha nia kna’ar fatin, Sukaer-Laran, segunda ne’e.

Implementasaun UKL+ kategória A ne’ebé implementa iha postu administrativu Maucatar suku lima ho aldeia 22 hanesan iha suku Belecak implementa iha aldeia sira hanesan Busada’o, Dais, Du’ut, Gazolo, Ila, Loloba no Lolowa.

Suku Holpilat hanesan iha aldeia Fatuk-oan, Hatu, Lela, Leogore, Manulor no Nainare. Iha suku Matai iha aldeia Lohorai, Maior/Kunain, Matai no Quiar no iha suku Ogues iha aldeia Baulela, Foho-rua, Ogues, Orun no Soga.

Implementasaun UKL+ ho katégoria B implementa iha postu administrative Suai ne’ebé sei implementa iha suku lima (5) mak ho aldeia 34 mak hanesan iha suku Debos implementa iha aldeia Ahinarai, Asumaten, Asurai, Busacucun, Lakonak-Babo, Lakonak-Besik, Loqeiu, Lontale no Tabaklot.

Iha Suku Beco ne’e implementa iha aldeia Aidantuic, Beco, Bibiatan, Haemanu, Halic, Holbolu, Leowalu, Maucola, Teda, Tobur no Zuwac, no iha suku Camanasa iha aldeia Ailook-Laran, Fatuisin, Manequin no Sanfuc.

Suku Suai Loro implementa iha aldeia Loro, Lo’o, Maneicun, Sukabilaran, no Akar-Laran no suku Labarai implementa iha aldeia Bonuc, Holba, Meop, Mucbelis no Roec ne’ebé sei iha faze sensibizasaun.

Siklu implementasaun UKL+ mak hanesan, dahuluk, determinasaun ba alvu no sosializasaun Munisípiu, daruak enkontru koordenasaun ho konselu suku, datoluk sensibilizasaun no determinasaun kandidatu benefisiáriu nivél aldeia, dahaat verifikasaun no aprovasaun benefisiáriu finál nivél postu administrative.

Siklu implementasaun dalimak mak Quick Survey no verifikasaun tékniku, daneen Dezenvolve Planta no Kadernu Enkargu (BoQ), ahitu transférensia fundu, daualuk dada osan hahú konstrusaun, dasia sertifikasaun família no entrega UKL ba benefisiáriu.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!