BAUCAU, HEADLINE, MUNISÍPIU, POLÍTIKA

Autoridade Baucau husu Tatoli kontinua mantein kualidade notísia

Autoridade Baucau husu Tatoli kontinua mantein kualidade notísia

Prezidente Autoridade Munisípiu Baucau, Olívio ‘Bou-Lesa’ Freitas. Imajen TATOLI/Natalino Belo.

BAUCAU, 27 jullu 2022 (TATOLI) – Autoridade Administrasau Munisipál Baucau husu Agência Notisioza Timor-Lesta-Tatoli, Institutu Públiku, atu kontinua mantein kualidade notísia nune’e sai referénsia ba públiku.

Prezidente Autoridade Munisipál Baucau, Olívio ‘Bou-Lesa’ Freitas, konsidera Tatoli nu’udar mídia estadu ne’ebé hala’o atividade jornalizmu foun iha Timor-Leste maibé iha kualidade di’ak nune’e selebrasaun aniversariu ba dala-VI tenke aumenta maduru hanesan informasaun ruma tenke iha konfirmasaun antes publika nune’e mantein ninia kredibilidade.

“Tenke iha independente, rerkolla informasaun sira tenke adekuadu nune’e aumenta tinan tenke maduru liután hanesan hamosu ona responsabilidade nu’udar institusaun,” Prezidente Autoridade Munisipál Baucau hato’o felisitasaun ne’e iha Sentru Konvensaun Baucau (CCB, sigla Portugés) Vila Antiga.

Bou Lesa enkoraja, nu’udar institusaun sempre iha erru maibé tenke kontinua aprende hosi ladi’ak sai di’ak liután, kolaborasaun nu’udar ekipa inklui serbisu ekipa tenke iha vontade atu aprende.

“Ita-boot sira hakerek mesak di’ak de’it, fornese ona informasaun hosi munisípiu ba nasionál, ha’u haksolok ho serbisu Tatoli nian iha Baucau,” Bou-Lesa akresenta.

Agência Notisioza Timor-Leste-Tatoli.IP nu’udar ajénsia ofisiál estadu Timor-Leste nian ne’ebé Konsellu Ministru aprova no publika iha Jornál Repúblika iha loron 14 marsu 2016 nu’udar embriaun ho naran ANTIL.

VI Governu Gonstitusionál lideradu Primeiru Ministru, Rui Maria de Araújo, ofisialmente lansa iha 27 jullu 2016.  Iha fulan Marsu 2017, Konsellu Ministru aprova ANTIL sai nu’udar Tatoli no públika iha jornal repúblika ho estatu nu’udar Institutu Públiku.

TATOLI nu’udar fonte informasaun ofisiál estadu Timor-Leste nian ne’ebé iha kapasidade no kbiit elabora produtu informasaun no notísia ne’ebé nesesita hosi públiku utilizadór informasaun iha eskala nasionál, rejionál no internasional, bazea ba natureza no karaterístika rasik; rapidez no rigór maibe labele ignora nia rigoroza hanesan akurásia, independénsia, inzeta, klareza no nafatin iha integridade nomós kredibilidade.

TATOLI halo serbisu ho karáter multikanál, multimedia, multiplataform no multitarefa ho dezenvolvidu ho funsaun nu’udar sentru produsaun filme dokumentasaun nasaun nian, sentru opiniaun ba públiku nomós forum ba informasaun públika, sentru jestaun ba arkivu no sai sentru ba edukasaun no peskiza iha dezenvolvimentu informasaun.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!