EKONOMIA, HEADLINE, INTERNASIONÁL

Governu estabelese valór mínimu akizisaun bens imóveis projetu Aeroportu Comoro

Governu estabelese valór mínimu akizisaun bens imóveis projetu Aeroportu Comoro

Aviaun QANTAS tuun iha Aeroportu Internasionál Prezidente Nicolau Lobato, Comoro, kuarta (30/03). Imajen Tatoli/António Dasiparu

DILI, 27 jullu 2022 (TATOLI)—Ministru Finansa (MF), Rui Augusto Gomes, aprezenta projetu rezolusaun Governu ba estabelesementu valór másimu selu akizisaun bens imóveis, ne’ebé hetan ona aprovasaun iha reuniaun Konsellu Ministru (KM), kuarta ne’e.

Bens imóveis mak hanesan uma sira, lakon edifísiu, benfeitoria, área floresta no to’os, inklui hapara atividade sira hanesan pekuária, peska no foti masin iha área implementasaun projetu rekualifikasaun Aeroportu Internasionál Prezidente Nicolau Lobato, Comoro.

“Projetu ne’e la’o hela, faze dahuluk sei loke tan pista naruk ba tasi-ibun, mai rai-maran no sei kontinua nafatin,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu.

Notísia relevante: Aeroportu internasionál Comoro sei iha terminál pasajeiru ho metru 11.653

Bazeia ba akordu entre Governu Japaun no Timor-Leste, prevee katak Aeroportu Comoro sei iha terminál pasajeiru modernu ida ho ninia medida metru 11.653.

Antes ne’e, KM delibera hodi autoriza selebrasaun akordu finansiamentu ida entre Governu liuhosi Ministériu Finansa ho Banku Dezenvolvimentu Aziátiku (ADB, sigla inglés) ba implementasaun projetu espansaun Aeroportu Comoro.

Projetu ne’e prevee estensaun ba pista aterrajen, torre foun ida inklui reabilitasaun ba instalasaun sira seluk.

Iha ámbitu espansaun aeroportu, KM delibera atu autoriza dezenvolvimentu projetu faze dahuluk, loke prosedimentu aprovizionamentu tolu, inklui tipu konkursu públiku empreza sir aba konsesaun no konstrusaun fornesimentu servisu supervizaun no jestaun projetu.

Orsamentu ba konstrusaun Aeroportu Internasionál ne’e hosi impréstimu ADB hamutuk millaun $100 no Governu aloka ona millaun $300, tanba konstrusaun aeroportu ne’e sei presiza millaun $480.

Antes ne’e, Governu Japaun hatudu komprimisu atu apoia orsamentu millaun $44 hodi konstrui aeroportu ba komponente lima hanesan terminál ba passajeiru, torre kontrolu, tax way (fatin impostu), access road (asesu rodovia) no fatin para aviaun.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!