COVALIMA, POLÍTIKA

Governu Japaun apoiu millaun $4 konstrui edifísiu CNE-STAE Covalima

Governu Japaun apoiu millaun $4 konstrui edifísiu CNE-STAE Covalima

CNE-STAE Covalima hamutuk ho UNDP realiza enkontru hodi halo site visit atu konstrui edifisiu CNE-STAE. Imajen/Espesiál.

COVALIMA, 27 jullu 2022 (TATOLI)– Project Manajer United Nations Development (UNDP), Tito Filipe, hateten Governu Japaun liuhosi UNDP sei dó apoiu millau $4 hodi konstrui edifísiu Komisaun Nasionál Eleisaun (CNE, sigla portugés) no Skretáriu Tékniku Administrasaun Eleitorál iha Covalima.

Nia hatutan, CNE no STAE realiza private meeting no halo site visit ho doadór hosi United Nations Development (UNDP) hodi ko’alia kona-ba planu konstrusaun edifísiu foun STAE no CNE iha munisípiu Covalima ne’ebé apoiu finanseiru hosi Governu Japaun.

“Konstrusaun edifísiu foun CNE no STAE, primeiru ha’u atu introdús de’it kona-ba projetu iha Timor-Leste ne’e finansia hosi Governu Japaun no fundu ba projetu ida-ne’e hamutuk millaun $4. Komponente hotu, ami hanoin importantante ba ami atu ajuda orgaun rua ne’e nia kondisaun, atu nune’e hala’o servisu ho di’ak liután,” Project Manajer UNDP, Tito Filipe hateten, bainhira hala’o enkontru iha salaun STAE Bairru Kampung Baru, Covalima.

Antes kontrusaun atu hahú projetu hotu ne’ebé mak iha, presiza sertifikasaun ambientál tanba ida ne’e hanesan rekerementu ida hosi Governu ne’ebé hosi UNDP tenke kumpre.

“Ita hotu hatene katak projetu ne’e ba konstrusaun uma hamutuk neen mak rua iha Covalima mak hanesan Edifisiu STAE no CNE, ida iha Manatuto mak hanesan Edifisiu STAE, CNE ida iha Baucau no CNE ida iha Aileu, no ida iha Viqueque mak edifísiu STAE,” nia dehan.

Atu konstrui edifísiu refere kompañia ne’ebé mak iha kapasidade atu jere projetu sira livre atu aplika ba projetu konstrusaun edifísiu foun CNE-STAE no aplika ba projetu sira seluk fora hosi Covalima iha munisípiu seluk ho montante osan millaun $1-resin ne’ebé nakloke ba kompañia nasionál, lokál no internasionál.

Administrador Munisípiu Covalima, Francisco de Andrade, hato’o agradese ba Governu Japaun liuhosi UNDP iha Timor-Leste atu konstrui edifísiu STAE-CNE iha Covalima tanba edifísiu ne’e ladun di’ak hodi hala’o servisu atendementu públiku.

“Ha’u hato’o agradese ba Governu Japaun liuhosi UNDP tinan ne’e bele konstrui edifísiu CNE-STAE tanba durante ne’e sira hala’o servisu iha fatin ne’ebé mak ladún iha kondisaun,” nia dehan.

Autoridade Covalima garante laiha pesoál no grupu sira atu halo impedementu bainhira hahú halo konstrusaun, tanba konstrusaun konstrui iha proprietáriu Estadu ni’an nune’e sidadaun tenke kumpre lei. Tanba ne’e kompañia ne’ebé atu konstrui edifísiu tenke kumpre kontratu se la kumpre kontratru tenke hetan pena.

Kompañia sira-ne’ebé mak atu tuir konkursu sei hahú iha loron-tersa (26/7) to’o loron 15 fulan-agostu 2022 ne’ebé sei aplika liuhosi online ne’ebé projetu sei hahú iha fulan-dezembru 2022 sei ramata iha tinan 2023.

Jornalista : Celestina Teles

Editor      : Cancio Ximenes

iklan
iklan

Leave a Reply

iklan
error: Content is protected !!