HEADLINE, JUSTISA

MJ sei emite sertifikadu ba rai hahú hosi REAOA

MJ sei emite sertifikadu ba rai hahú hosi REAOA

Ministru Justisa, Tiago Amarál Sarmento. Imajen Tatoli/Francisco Sony

DILI, 28 jullu 2022 (TATOLI)— Ministériu Justisa (MJ) planu halo atribuisaun sertifikadu na’in ba rai hahú hosi Rejiaun Administrativa Espesiál Oé-Cusse no Ambeno (RAEOA), hafoin projetu dekretu-lei kona-ba informasaun kadastrál prediál hetan promulgasaun hosi Prezidente Repúblika (PR), José Ramos Horta.

Ho nune’e, Ministru Justisa, Tiago Amaral Sarmento,kinta ne’e, hala’o reuniaun ho Diresaun Terra no Propriedade no funsionáriu na’in-40, hodi halo preparativu ba rekursu umanu hodi halo atribuisaun sertifikadu nain ba rai, ba komunidade sira.

Notísia relevante:  Governu aprova dekretu-lei Kadastrál Prediál 

“Ita planu tinan ne’e halo atribuisaun sertifikadu nain ba rai ba komunidade sira, hahú husi Rejiaun Administrativa Espesiál Oé-cusse no Ambeno (RAEO). Nune’e daudaun hahú halo ona preparativu rekursu umanu hodi hein Prezidente Repúblika aprova dekretu -lei ne’e,” Governante ne’e hateten hafoin enkontru iha auditóriu MJ, Colmera-Dili.

Nune’e, MJ halo reuniaun enkontru ho pesoál kadastrál nain-40 ne’ebé maka iha 2009 bá tuir formasaun kadastrál liuliu ba sukat rai nia hodi halo preparasaun ba atribuisaun sertifikadu nain ba rai ba komunidade sira.

Iha reuniaun ne’e, Ministru Justisa fó orientasaun ba pesoál nain-40 atu halo planu no koordenasaun ho Ministru Administrasaun Estatál (MAE) hodi prepara atividade atribuisaun sertifikadu rai.

“Ita espera antes tinan ne’e ramata, iha ona promulgasaun atu atribui sertifikadu rai ba ema hotu hotu.  Ami nia planu sei hahú husi RAEOA tanba Igreja Katólika hahú husi ne’ebá no husi ne’ebá maka ita sei halo atribuisaun sertifikadu nain ba rai ba munisipiu sira seluk,” nia afirma.

Atribuisaun sertifikadu na’in ba rai ne’e ho baze ba lei númeru 13/2017 kona-bá Definisaun Bens no movél katak ema atu hetan direitu ba rai tenke prenxe kritériu kona-ba direitu primaria no mós iha direitu sekundária.

Tuir lejizlasaun ne’e, direitu primaria katak, bainhira ema ka sidadaun Timór ne’ebé mak iha ona sertifikadu iha tempu Portugés no iha tempu Indonézia mai to’o  tempu ukun aan ne’e autómatikamente hetan  sertifikadu nain ba rai.

Maibé, tuir lei ne’e mós kuandu tempu Portugés no Indonézia mak ema halo arrendamentu ka aluga de’it tenke fó fila ba Estadu atu jere.

“Ba rai sira ne’ebé iha disputa, Ha’u husu atu rezolve tiha iha Komisaun rai nia maka foin to’o mai Ministériu Justisa hodi bele atribui sertifikadu,” nia afirma.

Notísia relevante:   MJ relata ba PR kona-ba polítika Governu emita sertifikadu na’in ba rai  

Joralista: Natalino Costa

Editór    : Florencio Miranda Ximenes

iklan
iklan

Leave a Reply

iklan
error: Content is protected !!