TL reafirma rezolusaun unánima ASEAN-CS ONU ba ezekusaun trájika
DILI, 29 jullu 2022 (TATOLI)–Prezidente Repúblika (PR), José Ramos Horta, sesta ne’e hala’o reuniaun ho Prezidente Parlamentu Nasionál no membru Komisaun B iha PN no Primeiru-Ministru, hodi diskute kona-ba agravamentu situasaun dramátika iha Mianmar.
“Líder timoroan sira konfere deklarasaun unánima ne’ebé hasai hosi Prezidénsia ASEAN no rezolusaun unánima hosi Konsellu Seguransa ONU (CS-ONU) kona-ba ezekusaun trájika no arbitrária ba sidadaun sivil nain-ha’at (4) membru hosi pro-demokrátiku Mianmar,” refere komunikadu imprensa ne’ebé Agência TATOLI asesu, hosi Palásiu Prezidensiál Nicolau Lobato, Bairru Pite.
Líder timoroan sira-ne’ebé partisipa iha reuniaun ne’e elojia pozisaun hosi dirijente ASEAN no hosi CS-ONU nian no apoiu ho forma integrál deklarasaun rua ne’e.
Timor-Leste apela mós ba komunidade internasionál atu kontinua hakbiit esforsu tomak atu kontribui hodi hatuur hikas fali orden demokrátiku liuh0osi diálogu ho parte hotu-hotu.
Jornalista : Nelson de Sousa
Editór : Cancio Ximenes
