DILI, HEADLINE, POLÍTIKA

MPM atualiza progresu dezenvolvimentu Greater Sunrise ba PR

MPM atualiza progresu dezenvolvimentu Greater Sunrise ba PR

Ministru Petróleu no Minerál, Victor da Conceição Soares. Imajen TATOLI/Francisco Sony

DILI, 01 agostu 2022 (TATOLI)—Ministru Petróleu no Minerál (MPM), Victór da Conceição Soares akompañadu hosi Prezidente Timor GAP Empreza Públika no Prezidente Autoridade Nasionál Petróleu no Minerál (ANPM), segunda ne’e, hala’o audiénsia ho Prezidente Repúblika, José Ramos Horta, hodi atualiza kona-ba progresu dezenvolvimentu Greater Sunrise.

Notísia Relevante: ANPM iha alvu tinan ne’e kompleta enkuadramentu legál-fiskál Greater Sunrise

“Ohin, Prezidente Repúblika bolu mai iha ne’e ho Prezidente Timor Gap no ANPM atu mai Prezidente Repúblika iha dúvida balun relasaun ho progresu iha setór petróleu no menerál maibé ohin husu liu-liu kona-ba dezenvolvimentu Greater Sunrise nia progresu ne’e halo nusa ona,” Ministru Victór da Conceição hateten ba jornalista sira hafoin ramata enkontru ho Xefe Estadu iha edifisiu Palásiu Prezidensiál Nicolau Lobato, Bairru Pite.

Prosesu sira durante ne’e la’o hanesan realiza diskusaun entre Governu Timor-Leste ho Governu Austrália kona-ba dokumentu PCS, fiskál rejime ho dokumentu lubuk ida seluk tan ne’ebé agora daudaun lao hela no mós kalendáriu dokumentu sira-ne’e atu konklui iha fulan novembru tinan 2022.

“Prontu, ohin, Prezidente Repúblika husu tuir situasaun sira-ne’e, ne’ebé hanoin progresu no negosiasaun sira la’o di’ak hotu,” nia hateten.

Governante ne’e hateten, pozisaun Timor-Leste nian klaru kona-ba atu dada kadoras mai Timor-Leste maibé la’ós ho razaun polítika de’it laiha partidu polítiku ida kontra kadoras mai iha Timor-Leste  maibé ne’e iha razaun viabilidade tékniku, komersiál ho ekonómiku.

Nune’e, informasaun sira hosi ANPM no Timor Gap fundamenta ona katak estudu viavilidade permite kadoras dada mai Timor-Leste, entaun bainhira termina diskusaun iha fulan novembru mak sei asina akordu ka aprova dokumentu ne’ebé halo diskusaun ne’e faze ida, hafoin ne’e tama ba faze seluk bolu dezenvolvimentu kampu.

“Tantu ne’e orsida Timor Gap hanesan ita-nian ne’ebé boot liu 56,56% ho Woodside hanesan operadór no Osaka Gas sira sei hamosu hamutuk hodi ko’alia kona-ba planu dezenvolvimentu,” nia dehan.

Tan ne’e, Governu daudaun ne’e iha seriedade atu bele rezolve problema Greater Sunrise durante tempu naruk no hakarak duni ho situasaun rai-laran, TL nia kampu Bayu-Undan mós termina ona nune’e tenke fó atensaun prioridade atu aselera kampu Greater Sunrie.

Tan ne’e, ho informasaun parte ezekutivu hato’o hanesan Xefe Estadu kontinua hatene pozisaun Timor-Leste ko’alia kona-ba saida mak Timor-Leste halo agora.

Notísia Relevante: Destinu Kadoras Greater Sunrise sei iha faze negosiasaun ho Austrália

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!