DILI, POLÍTIKA, SAÚDE

PR Horta vizita SAMES

PR Horta vizita SAMES

Prezidente da Republika Ramos Horta akompana husi Ministra Saude no Vice Ministru bainhira halo primeira visita ba SAMES hodi hare no observa diretamenta aimoruk iha armajen SAMES iha kampung Alor Dili, segunda 1 agostu 2022.Imajen Tatoli/Antonio Daciparu

DILI, 01 agostu 2022 (TATOLI)—Prezidente Repúblika (PR), José Ramos Horta, segunda ne’e, hala’o vizita ba  Serviço Autónomo de Medicamentos e Equipamentos de Saúde, Institutu nPúbliku (SAMES, I.P).

PR Horta hateten, nia parte hala’o vizita ne’e nu’udar sidadaun ida no Xefe Estadu ne’ebé tenke buka apreende, haree no rona kondisaun ne’ebé funsiona iha SAMES.

Notísia Relevante: Inundasaun estraga ekipamentu COVID-19 iha SAMES, ai-moruk aseguradu

“Mai aprende, haree no rona kondisaun ne’ebé funsiona no buat ne’ebé ha’u haree pelumenus superfisialmente bele hateten hanesan organizadu,” PR Horta hateten ba jornalista sira iha edifisiu SAMES, Kampung Alor, Dili.

Tuir Xefe Estadu ninia haree, durante vizita haree buat hotu organizadu tuir sistema ne’ebé estabelese no jestaun ba medikamentu 100% hosi Timoroan sira kompara ho iha tinan barak liu ba iha tempu UNTAET nian.

“Sistema ne’ebé monta tinan sira-nia laran la’ós agora de’it buat ne’e la’o nene’ik desde tempu UNTAET to’o agora hotu-hotu manán esperiénsia no balun iha estudu ne’ebé própriu ba ida-ne’e, tanba timoroan kuaze 100% mak iha ne’e, uluk la’e. Purtantu, uluk tempu UNTAET nian UNTAET mak kaer, depois indepedénsia mós sei iha ema maibé agora ita haree 100% médiku no farmatiuka no ema sira halo jestaun parte Timoroan de’I,” nia dehan.

Tanba ne’e, nia dehan, ba oin tenke buka mak halo di’ak liután kada tinan, nune’e Prezidente Repúbklika sei fó apoiu hodi ko’alia ho Governu bele tau prioridade hodi hadi’a infraestrutura iha SAMES atu armazena ba medikamentu.

“Prontu iha ona planu, sira rasik foin daudaun fó hateten sai inundasaun maibé sira halo tiha ona prevensaun ho moru no inundasaun ruma mai tan karik sei kontrola di’akliu,” nia dehan.

Tan ne’e, iha tempu diskusaun orsamentu Governu prevee planu no bainhira Parlamentu Nasionál aprova orsamentu no promulga sira bele halo infraestrutura foun ne’ebé adekuadu.

Xefe Estadu ne’e hateten, iha tinan sira-nia laran buka rona kada ministéiru, Primeiru-Ministru no ministru sira ida-idak nia servisu hodi akompaña de’it, tanba Prezidente Repúblika tenke hetan kuiñesimentu la másimu maibé jerál kona-ba setór oioin ne’ebé iha rai-laran no bainhira iha observasaun sei fahe ho Primeiru-Ministru hodi haree.

Jornalista : Nelson de Sousa

Editór       : Cancio Ximenes

 

iklan
iklan

Leave a Reply

iklan
error: Content is protected !!