DILI, KAPITÁL, NASIONÁL

DNAS sei entrega karreta funeráriu rua ba AMD iha semana ne’e

DNAS sei entrega karreta funeráriu rua ba AMD iha semana ne’e

Karreta Funeráriu. Imajen Tatoli/Osória Marques.

DILI, 02 agostu 2022 (TATOLI)–Diretór Dirasaun Nasionál Asisténsia Sosiál (DNSA), Lucas Tois, hateten iha semana ne’e DNAS sei entrega karreta funeráriu rua (2) ba Autoridade Munisípiu Dili (AMD) hodi reforsa halo operasaun iha kapitál.

Notísia Relevante: MSSI planea sosa karreta hilux lima modifika sai karreta funeráriu

“Semana ne’e, ami sei entrega tan karreta funeráriu rua ba Autoridade Munisípiu Dili hodi reforsa karreta funeráriu seluk ne’ebé mak daudaun ne’e kobre hela iha Dili tanba karreta rua ne’e la sufisiente hodi halo operasaun,” Lucas hateten ba Agência Tatoli, iha nia knar fatin Caicoli, Dili, tersa ne’e.

Bainhira entrega tiha karreta funeráriu ba AMD signifika kombustível no kaixaun hotu Audoridade Munisípiu Dili (AMD) nia responsabilidade.

“Atu labele mosu dezintendimentu iha prosesu tomak nune’e labele duun malu katak ida-ne’e MSSI nian ka AMD nian, entaun ami ho AMD sei koordena no halo sensibilizasaun ba públiku atu evita dezintendimentu ne’e mosu.” nia dehan.

Maibé, bainbira entrega ona mak parte rua halo sensibilizasaun ba públiku nune’e ida-idak atende ninian servisu, tanba karreta funeráriu ne’ebé mak halo operasaun iha munisípiu Dili ne’e iha de’it 12 maibé foun lima (5) no tuan mak hitu (7) inklui ho ida ho kondisaun aat totál.

“Karreta funeráriu ne’e sei kobre de’it iha Dili, maibé karik ema ruma mate iha ospitál ka ema moras ida halo transferénsia hosi munisípiu mai Dili mak MSSI mak sei responsabiliza ba asuntu ne’e,” nia hateten.

Daudaun ne’e MSSI iha karreta funeráriu 40 resin ne’ebé kompostu hosi Munisípiu Dili karreta funeráriu 11 ba atendimentu públiku no kada munisípiu inklui Rejiaun Administrativu Espesiál Oé-Cusse Ambeno (RAEOA) iha karreta funeráriu rua (2) no mós munisípiu Ataúro iha karreta funeráriu ida (1) ho ró funeráriu ida (1) ne’ebé Governu sosa ona iha 2009 no 2013.

Notísia Relevante: DNAS sei entrega karreta funeráriu lima ba DKF

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!