BOBONARO, HEADLINE, MUNISÍPIU, SAÚDE

HRM rejista pasiente na’in-15 mate iha trimestre daruak

HRM rejista pasiente na’in-15 mate iha trimestre daruak

Diretora Klinika iha Hospitál Referál Maliana (HRM), Madalena da Costa Marques. Imajen Tatoli/Sérgio da Cruz.

BOBONARO, 02 agostu 2022 (TATOLI) – Diretora Klínika iha Hospitál Referál Maliana (HRM), munisípiu Bobonaro, Madalena da Costa Marques, hateten iha trimestre daruak tinan 2022 rejista pasiente hamutuk na’in-15 mak lakon vida.

Notísia relevante: HRM reativa hikas atendimentu normál

“Hosi segundu trimestre ninian ne’e, ita rejista mate hamutuk ema na’in-15, sira sofre moras variante, hanesan iha pediátria ne’e mak má-nutrisaun, iha adultu nia frame white ho shooke seveira, iha Tuberculoze ida, perinatolojia mate na’in-rua,” nia informa ba jornalista sira, iha kna’ar-fatin tersa ne’e.

Iha fulan-janeiru mai to’o agora HMR rejista pasiente hamutuk 2022 barak liu mak sofre moras infesaun respiratóriu aguda, maibé iha iha trimestre daruak ne’e kazu ne’e aas-liu mak hanesan bronkokpneumonia ho gaspro-enteritis ka diarreia.

Alende ne’e rejista simu pasiente tama hosi sentru saúde sira hamutuk 234 no pasiente ne’ebé halo tranferénsia ba Hospitál Nasionál Guido Valadares (HNGV) na’in-63.

Diretora Madalena esklarese, parte ospitál deside refere pasiente sira-ne’e ba Dili tanba menus fasilidade.

“Ami iha-ne’e laiha fasilidade, kimia darah mós laiha, la’ós de’it ami mesak, maibé ospitál referál hotu. Ami-nia diretór ezekutivu sempre hato’o beibeik ba konsellu diretivu, dalaruma dehan reajente mak hotu,” nia akresenta.

Nia fó-sai katak, estoke ai-moruk jeralmente sufisiente hela, maibé balun sei falta hela.

“Hanesan krema ba kulit laiha hotu no ai-moruk balun laiha hanesan metokopramil, diajepang agora daudaun estoke iha hela oituan de’it ona,” nia hatutan.

Daudaun ne’e submete ona pedidu ba Servisu Autónomu Medikamentu no Ekipamentu Saúde (SAMES) hodi fasilita halo atendimentu ba komunidade sira-ne’ebé presiza hetan tulun tratamentu saúde.

Notísia relevante: Janeiru-maiu bebé 305 moris iha HRM

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!