DILI, 02 agostu 2022 (TATOLI)–Diretór Diresaun Nasionál Asisténsia Sosiál (DNSA), Lucas Tois, husu Banku Nasionál Komérsiu Timor-Leste (BNCTL) nia fleksibilidade atu benefisiáriu ba programa “bolsa da mãe jerasaun foun” ne’ebé maiória laiha billete identidade (BI) uza kartaun eleitorál atu simu subdsídiu.
Notísia Relevante: MSSI rekomenda DNSRN fasilita BI ba benefisiáriu “bolsa da mãe jerasaun foun”
“Ba tinan ne’e husu para uza lai kartaun eleitorál to’o fulan-maiu 2023 depois mak aplika Billete Identidade (BI) atu simu subdsídiu. Nune’e, ita enkoraja inan isin-rua atu kompleta dokumentu nune’e bele asesu ba subsídiu ne’e,” nia dehan.
Benefisiáriu “prgrama bolsa da mãe jerasaun foun” hosi munisípiu Ainaro, Bobonaro no Rejiaun Adminitrativa Espesiál Oé-Cusse Ambeno (RAEOA) hamutuk ema 3,570 ho oesamentu hamutuk $68,105,00.
Ba programa refere, Governu prevee osan hamutuk millaun $6,9 ba benefisáriu sira iha munisípiu tolu refere.
Notísia Relevante: Governu prevee millaun $7 ba programa ‘Bolsa da Mãe Jerasaun Foun’
Jornalista : Osória Marques
Editór : Cancio Ximenes
