COVALIMA, JUSTISA

ONG Esperansa sensibiliza seguransa feto iha fatin públiku ba autoridade Covalima

ONG Esperansa sensibiliza seguransa feto iha fatin públiku ba autoridade Covalima

Autoridade lokál no estudante sira tuir sensibilizasaun feto nia nia seguransa iha fatin públiku ne’ebé realiza hosi ONG Esperansa iha Covalima. Imajen/Espesiál.

COVALIMA, 02 agostu 2022 (TATOLI)–Organizasaun Noun Gorvernametál (ONG) Esperansa realiza sensibilizasaun auditoria feto nia seguransa iha espasu públiku ba entidade sira liu-liu ba autoridade lokál no estudante sira iha munisípiu Covalima.

“Ami-mai realiza atividade balun hodi halo sensibilizasaun auditoria feto nia seguransa iha espasu iha fatin públiku hanesan merkadu, transprote públiku, iha eskola no iha igreja ba entidade sira, bainhira feto sira sente la seguru,” Diretora ONG Esperansa, Orlanda da Silva, hateten ba jornalista sira, iha salaun CVTL Covalima, Bairru Kampung Baru, tersa ne’e.

Razaun halo auditoria segunsa ba feto sira iha fatin públiku tanba haree ba situasaun reál feto barak mak seidauk livre hosi asédiu seksuál, abuzu seksuál, violénsia seksuál no tipu diskriminasaun ne’ebé hasoru labarik feto.

ONG Esperansa realiza sensibilizasuan ne’e hetan apoiu hosi UN Woman hamutuk ho rede feto ho nia membru orgnizasaun haat mak hala’o auditória iha munisípiu Dili, Baucau, Covalima inklui ho Rejiaun Administrativa Espesiál Oé-Cusse Ambeno (RAEOA).

Sensibilizasaun ne’e realiza ho fazeadamente ne’ebé realiza durante loron ida-nia laran no partisipa hosi organizasaun sosiedade sivil, parseiru-sira, Governu, estudante no autoridade lokál sira iha Covalima.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!