OÉ-CUSSE, 03 agostu 2022 (TATOLI) – Plan International Timor-Leste (PITL), kuarta ne’e introdús programa prioridade rua ba Autoridade Rejiaun Administrativa Espesiál Oé-Cusse Ambeno (RAEOA) hodi implementa ba tinan rua iha aspeitu igualdade jéneru hodi promove labarik feto hodi foti desizaun iha kualkér posizaun.
“Plan International parsrria ho mane divizaun foun, ohin hasoru Prezidente Autoridade hodi introdús programa rua, ne’ebé sei hala’o iha Oé-Cusse, primeiru hamutuk ho igualdade durante tinan rua iha RAEOA no labarik feto foti desizaun iha pozisaun, ne’e sei hahú iha setembru tinan ne’e,” Jerente projetu Plan International ba igualdade, Paula Corte Real de Araújo, informa ba jornalista sira, hafoin enkontru iha rezidénsia ZEESM, Oé-Cusse.
Nia informa, iha introdusaun ne’e parte Plan International husu kolaborasaun entre autoridade lokál sira ho organizasaun refere.
Tuir nia, daudaun ne’e Autoridade RAEOA liuhosi serbisu promosaun igualdade jéneru ne’ebé tutela iha Gabinete Prezidente Autoridade, konsege identifika ona labarik barak atu foti pozisaun sira, inklui iha Sekretáriu rejionál sira ne’ebe eziste iha rejiaun ne’e.
Nune’e Plan International sei kolabora ho Gabinete Prezidente Autoridade hodi hetan númeru hira mak atu foti pozisaun, entaun sei serbisu hamutuk koordenadór igualdade sira iha Gabinete RAEOA sei foti pozisaun mai hosi diresaun sia (9),
Diresaun sira-ne’e mak hanesan Eduksaun Rejionál, Diresaun Rejionál Infraestrutura inklui diresaun seluk, entaun sei halo koordenasaun kontinuasaun mai hosi hosi Prezidente Autoridade RAEOA nomoos Plan International ho mane divizaun foun ba prosesu implementasaun programa ida-ne’e.
“Ohin informa mós katak iha semana rua mai, ami sei hahú halo preparasaun ba labarik sira, durante loron haat sei fasilita formasaun hodi prepara sira ba foti desizaun, tanba RAEOA foin implementa, entaun iha 11 outubru nu’udar internasionál labarik feto foti pozisaun,” nia afirma.
Nia fundamneta, durante iha enkontru ne’e, Prezidente Autoridade RAEOA, Arsénio Paixão Bano, sei koopera hodi fasilita sertifikadu ba labarik sira sai alvu ba foti pozisaun, nune’e mós nia husu, atu nafatin realiza kada tinan, nune’e bele sai esperiensia ida ba autoridade RAEOA.
“Ne’ebé Plan International sei fasilita apoia téknika bainhira misaun ne’e remata iha tinan rua nia laran, hodi kontinua realiza programa labarik feto foti pozisaun,” nia katak.
Jornalista: Abílio Elo Nini
Editór: Evaristo Soares Martins
