HEADLINE, KAPITÁL, NASIONÁL

SEA sei emite lisensa ambientál projetu estratéjiku tratamentu lixu solídu urbana

SEA sei emite lisensa ambientál projetu estratéjiku tratamentu lixu solídu urbana

Sekertáriu Estadu Ambiente, Demétrio do Amaral de Carvalho. Imajen Tatoli/Francisco Sony

DILI, 04 agostu 2022 (TATOLI)–Sekretaria Estadu Ambiente (SEA) iha tempu badak sei emite lisensa ambientál ba projetu estratéjiku sira iha Timor-Leste hodi halo melloramentu tratamentu lixu solídu urbana.

“Atu haree lisensiamentu ambientál ba projetu estratéjiku sira iha ita-nia rain, ida maka melloramentu tratamentu lixu solídu urbana, ba ida-ne’e Sekretaria Estadu Ambiente iha papél importante atu garante emisaun lisensa ida iha nia tempu atu projetu ne’e bele hahú hodi bele halo konstrusaun ba Tibar hanesan fatin tau lixu ne’ebé di’ak liu. Tanba ne’e ami diskute ho Primeiru-Ministru kona-ba emisaun lisensa ninian,” Sekretáriu Estadu Ambiente, Demétrio do Amaral de Carvalho, relata hafoin hasoru Xefe Governu, iha rezidénsia Farol, kinta ne’e.

Notísia relevante: Tinan ne’e, ANLA atribui ona lisensa ambientál ba empreza 80

SEA serbisu hamutuk ho Ministériu Administrasaun Estatál (MAE) ba melloramentu jestaun lixu, enkuantu dekarbonizasaun nian tama ona iha faze implementasaun.

“Portofóliu prinsipál iha rekolla no tratamentu lixu ne’e tutela ba MAE, maibé iha munisípiu nia kontrolu, enkuantu SEA ajuda iha polítika ba resiklajen no polítika tratamentu lixu,” nia akresenta.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!