COVALIMA, SEGURANSA

UPF halo apreensaun ba mina tonelada rua iha Tilomar

UPF halo apreensaun ba mina tonelada rua iha Tilomar

UPF halo apreensaun ba mina ilegal.Imajen/PNTL

DILI, 04 agostu 2022 (TATOLI)– Unidade Patrullamentu Fronteira (UPF), liuhosi Kompañia Bravo-Suai, halo vizilánsia hodi halo apreensaun ba mina tonelada-rua no detein timoroan nain-ida ho karreta kamioneta, hatama mina ilegál liuhosi fronteira Indonézia mai Timor-Leste, iha área Damuk, Aiteka-Laran, aldeia Wetaba, suku Beiseuk, postu-administrativu Tilomar, munisípiu Covalima.

UPF halo apreensaun mina ilegal.Imajen/PNTL

“Horikalan iha oras tuku 1:00, matrugada, ami-nia membru UPF halo operasaun la’o ain no konsege halo apreensaun karreta tipu vaskolante ida ho xapa matrikula A. 53.588, no detein joven mane nain-ida ho inisiál OdC (tinan 37) tanba hatama kombustivel ilegál hanesan Gazolina lintru 35 ho masa 40, Gazoel litru 35 ho masa 31 ne’ebé ho totál litru 2480 ka tonelada rua,” Komandante UPF, Euclides Belo, hateten liuhosi nota ne’ebé Agência TATOLI asesu, kinta ne’e.

Suspeitu ho evidénsia UPF entrega ona ba Servisu Investigasaun Kriminál Komandu PNTL Covalima hodi halo prosesu investigasaun.

Molok ne’e, iha loron tersa (02/08), tuku 9:00 kalan, ekipa servisu sekreta UPF Mota-Ain halo mós aprensaun ba ró bero ida ne’ebé transporta gazolina litru 35 hamutuk masa 11 iha tasi ibun Batugade.

Daudaun ne’e, evidénsia aguarda iha komandu UPF no sei halo prosesu hodi entrega ba Komandu Munisipiu Bobonaro atu loke investigasaun.

Jornalista: Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!