HEADLINE, MUNISÍPIU, OÉ-CUSSE (RAEOA), SAÚDE

HRO rejista bebé na’in-sia mate iha trimestre daruak

HRO rejista bebé na’in-sia mate iha trimestre daruak

Xefe Departamentu Okzin Silugiano RAEOA, Juliana Correia. Imajen Tatoli/Abílio Elo Nini.

OÉ-CUSSE, 05 agostu  2022 (TATOLI) – Xefe Departamentu Okzin Silugianu iha Hospitál Referénsia Rejiaun Administrativa Espesiál Oé-Cusse Ambeno (RAEOA), Juliana Correia, fó-sai katak iha trimestre daruak hosi janeiru to’o juñu 2022rejista bebé na’in-sia (9) mate tanba partu ho komplikadu.

Juliana Correia informa, hosi janeiru to’o huñu, Hospitál Referénsia Oé-Cusse atende inan ne’ebé partu iha ospitál hamutuk 219, hosi númeru ne’e partu normál iha 169 partu sezariana operasaun iha na’in-50, no  partu normál tanba hetan ajuda hosi profisionál saúde hamutuk 13.

“Hosi partu sira-ne’e bebé moris hamutuk 222 no na’in-sira (9) fila-fali ba Aman Maromak, hosi na’in-sia ne’e na’in-hitu (7) mate kedas iha inan nia kabun laran antes partu, no na’in-rua mate depois partu tanba partu ho problema respirasaun, ne’ebé hosi bebé moris iha 222 ne’e ho pezu normál iha 202, ne’ebé la normál hamutuk 19,” Juliana Correia, hateten iha Oé-Cusse, sesta ne’e.

Nia fó-sai katak, bebé na’in-hitu mate iha kabun laran, ne’e refere direta hosi postu saúde no sentru saúde, depois na’in-rua tanba partu kleur ka liu data determinadu, konsege moris maibé liu loron ida mate.

Tuir nia, dadus kona-bá bebé mate kompara ho tinan 2021 sa’e tinan ida-ne’e menús, tanba komunidade balu iha ona konsiénsia atu hakbesik ba fasilidade.

“Durante parte saúde fasilita asisténsia ba inan isin-rua, enfrenta problema prinsipál tanba tarde liu iha uma, haree kondisaun grave ona mak refere ba fasilidade saúde sira, entaun ida-ne’e maka sai kauza afeta ba labarik nia moris, ida-ne’e tanba laiha konsiénsia atu uza fasilidade saúde ne’ebé besik iha suku, nomoos dalaruma fiar liu ba kultura tradisionál,” nia katak.

Nune’e nu’udar responsável másimu iha tratamentu inan no oan, fó atensaun ba komunidade iha territóriu Oé-Cusse, tau konfiansa nafatin no konsiénsia atu uza fasilidade saúde ne’ebé besik iha komunidade nia leet nune’e bele hetan tratamentu dignu.

Nune’e mós daudaun ne’e Governu Timor-Leste liuhosi Ministériu Solidariedade Sosiál no Inkluzaun (MSSI) hamutuk ho Ministériu Saúde (MS) hala’o ona atividade rekolla dadus ba programa bolsa da mãe jerasaun foun, entaun persiza hakbesik beibeik iha fasilidade nune’e bele hetan atensaun no atendimentu di’ak nian.

Jornalista   : Abílio Elo Nini

Editór         : Evaristo Soares Martins

iklan
iklan

Leave a Reply

iklan
error: Content is protected !!