EDUKASAUN, HEADLINE, MUNISÍPIU, VIQUEQUE

Vise-MEJD adia vizita ba eskola rua iha Lacluta tanba kondisaun saúde

Vise-MEJD adia vizita ba eskola rua iha Lacluta tanba kondisaun saúde

Vise-Ministru Edukasaun Juventude no Desportu (MEJD), António Guterres. Imajen Tatoli/Vitorino Lopes da Costa

VIQUEQUE, 05 agostu 2022 (TATOLI)—Vise-Ministru Edukasaun Juventude no Desportu (MEJD), António Guterres, tuir planu halo vizita traballu ba eskola rua iha postu administrativu Lacluta, munisípiu Viqueque hodi haree kondisaun no rona preoukupasaun, maibé la konsege tanba kondisaun saúde la permite.

“Ohin Vise-Ministru atu ba vizita Eskola Ensinu Báziku Filiál (EBF) Sauake no Ensinu Sekundáriu Tékniku Vokasionál Rabina Lacluta, maibé ha’u haree nia kondisaun ne’e moras hela, ho ida-ne’e kansela ninia vizita ba eskola rua ne’e no ha’u lori Vise-Ministru ba ospitál internamentu Viqueque, daudaun ne’e médiku sira halo observasaun ba ninia moras. Ami atu halo rujukan ba Dili hodi Vise-Ministu bele deskansa,” Diretór Servisu Edukasaun Munisípiu Viqueque, Emídio Amaral, informa ba Agência Tatoli, via telefónika, sesta ne’e.

Notísia relevante: MEJD halo abertura ba reabilitasaun no konstrusaun eskola iha territóriu TL

Iha fatin ketak, Doutora  iha ospitál internamentu, Jenesia Noronha, konfirma, daudaun ne’e Vise-Ministru baixa hela no doutór sira halo hela observasaun ba ninia moras.

“Nia ho kondisaun normál hela, nia tama ospitál maizumenus tuku 08:25 dadeer. Daudaun ami observa no haree katak nia han no hemu  bee mós normál, maibé ami sei kontinua halo observasaun ba ninia kondisaun,” nia tenik.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!